Mehmet Yilmaz*

Ger hûn dibêjin qey hûnê li mal an li cihê karê xwe di nav aramiyê de rûnin, hûn şaş in.

Êdî tiştek wisa ne mimkûn e; hema her kêlî dibe ku polîs bên ber deriyên we, bila haya we jê hebe.

Kesek ku ji we hez neke dikare li xeta îxbarê bigire, we wekî "qaçaxçî" îxbar bike.

Di dawiya vê de polîs dê bên ber deriyê we, hûnê bixwazin li nasnameya wan binêrin, dê bibêjin, "Derî ve em nîşanî te bidin". Ger hûn rêveberê cihê hûn lê dijîn nas nekin yan jî kesên taybet ku we biparêzin tune bin dibe ku deriyê we bişkînin û bên hundir.

Ev tişt hemû hatin jiyîn.

Navnîşana Serokê Giştî yê HDP'ê Selahattin Demirtaş dan û bi gotina "qaçaxçîtiya neftê" îxbar kirin û polîs hatin ber derî.

Demîrtaş bertek nîşanî polîsan da û got ew nikarin bikevin nava mal û lêgerînê bikin. Polîsan zor lê dikir, li ser vê yekê waliyê ku xeber jê şandin ket nava tevgerê û ferman da ku polîs ji ber deriyê Demirtaş hetin. 6 polîsên bi zorê dixwestin bikevin hundirê mal, bi fermana Walî Aksoy ji sîteyê dûr ketin çûn.

Emniyetê got ku polîsan ji ber navnîşan şaş girtine bi "şaşî" bi ser mala Demîrtaş de çûne.

Qaşo zagonan, Zagona Bingehîn mafê me yê bingehîn girtiye bin ewlehiyê lê qet ne muhîm e, ji ber ku ev welat êdî dewleta polîsan e.

Îxbarê digire, bêyî pêdivî bi lêkolîn-lêgerîn-lêpirsînê bibîne tê li derî we dide.

Ger hûn bibêjin "Nasnameyê xwe nîşan bide" ew dibêje "Derî veke em nîşan bidin." Ger hûn derî vekin tu ewlehiya wê tune ye ku mile bi we din û raste rast nekevin hundir. Jixwe ne hewceye ji dozger, ji dadgehê biryara destûra lêgerînê ibgirin.

Û gotina emniyetê "bi şaşî çêbû" ye!

Em nizanin ku derê vê "Bi şaşiyê" rast bikin,!

*14.05.2015, Hurriyet