Stenbol
803 nivîskar, helbestvan, rojnameger, akademîsyen û hunermendî ku di nav wan de Oya Baydar, Prof. Dr. Gençay Gursoy, Prof. Dr. Baskin Oran, Ragîp Zarakolu, Aydin Engîn jî hene gotin: “Ji bo xeyalên jiyanek din têk neçin dema şiyarbûnê ye ” û diyar kirin ku di hilbijartinê de dengê xwe didin HDP'ê.
Nivîskar, helbestvan, rojnameger, akademîsyen û hunermendî bi daxuyaniyekê piştgiriya xwe ya ji bo HDP'ê eşkere kir.
Li avahiya Hewldana 78'an a li Taksîmê nivîskaran daxuyanî da çapemeniyê. Helbestvan Fatoş Salman, muzîkar Mervan Tan, nivîskar Onder Birol Biyik, nivîskar Oya Baydar, helbestvan Fadil Ozturk, nivîskar Samet Aydin û gelek kesên din tevlî civînê bûn.
'Pêdiviya civakê bi hêviyê heye, hêvî jî HDP ye'
Di civînê de nivîskar Oya Baydar got ku Tirkiye ji rojên gelek talûke re derbas dibe û pêdiviya civakê bi hêviyê heye; ev hêvî, hêviya aştiyê, biratiyê û demokrasiyê ye. Baydar wisa dom kir: "Ji ber ku em bawer dikin ku HDP dê vê hêviyê bide jiyîn em dibêjin HDP."
Baydar anî ziman ku bi desthilatdariya AKP'ê Tirkiye ji vesayeta leşkerî ber bi vesayeta dîktatoriya sivîl ve diçe û li herêmê jî pêvajoyekî bi xwîn tê jiyîn. Baydar da zanîn ku di pêvajoyekî wisa de hilbijartina ku pêk tê gelek girîng e û wiha got: "Em li Tirkiyeyê hilbijartinekî gelek girîng li dar dixin. Ji bo piştgiriyê bidin HDP'ê ne pêwîst e mirov HDP'yî be. Lê ji bo hikumeta heyî paşde bibin, aştî, çareserî û demokrasiyê pêk bê divê her kes dengê xwe bide HDP'ê."
Pişt re metna 803 rewşenbîran îmze kir bi tirkî helbestvan Fatoş Salman û bi kurdî jî muzîkar Mervan Tan xwend.
Vane ji metna hate xwendin çend not:
- Ew ê ku heta duh rexneyên xwe li têgihîna 'endezyariya civakî' dikirin, îro bi terzê xwe yê 'endezyariya nû' dikin dixwazin civakê dorpêç bikin.
- Ji Roboskî heta Soma, ji Geziye heta Berkînan, ji qutiyên solan ên tijî dolar heta qetlîamên nezîk ên jinan, di hemû mijaran de dema gotin, 'Qral tazî ye' darizandinan dest pê kir.
- Bi kurtasî ji her hela jiyanê de êrîş û rûxandin hene. Bi salan e di bin navê 'pêvajoya çareseriyê" de hewil dan pirsgirêka kurd çareser nekin. Ligel vê yêkê bi zagonên derxistin muxalefeta civakî xwestin bêdeng bikin.
- Hikûmet di mijarên ku divê hesabê wê bide de meseleyê diavêje ser rêxistina paralel a ku heya duh bi wan re tevdigeriyan.
- Em wek nivîskar, helbestvan, rojnameger, akademîsyen û hunermend ên ku îmzeyên wan di metne de hene ji ber bi zimaneke ji şîdetê dûr wekhevî û aştiyê diparêzin, ji bo ku li hember qedexeyan dibêjin azadî, ji bo demokrasiya ku bi salan e gelên me jê hatine mehrûmkirin û bi dûrxistin bikeve jiyanê û ji bo cîvakeke ku hêmanên hiqûqî lê derbas dibin û bi ewlehiya heqe welatîbûna wekhev bi hev ve girêdayî. Em difîkirin ku ew partiya siyasî ya ku hemû rengan di nav xwe de dide jiyandin HDP'ê ye; ji ber vê jî em dibêjin ku di hilbijartina 7 pûşperê de dengê me ji bo HDP'ê ye û di vê demê de em ê bi dildarî bikevin nav xebatên hilbijartinê.
Li Mêrsinê jî piştgirî heye
Li Mêrsînê jî komek nivîskar, hunermend û helbestvan li Cemiyeta Rojnamegeran a Mêrsînê hatin ba hev û daxuyaniya piştgiriya ji bo HDP'ê xwendin.