Diyarname

Di maça Lîga Ewropa ya UEFA'yê de maça duyemîn a Beşîktaş û Liverpool li Stenbolê hate lîstin. Beşîktaş li mala Liverpool 1-0 têk çûbû, di vê maçê de Beşîktaş 1-0 bi ser ket û maç derbasî 30 deqîqeyên zêdek bûn. Û Beşîktaş bi penaltiyan Liverpool têk bir û derbasî 16 tîman bûn.

Temaşevanên Beşîktaşê stad tije kiribûn. Îsal yekem car Stada Olimpiyatê tije bûbû. Bi vê moralê Beşîktaşî dest bi maçê kir. Di nîveka yekemîn de maç bi 0-0 bi dawî bû. Di nîveka duyemîn, di deqîqeya 73'yan de Demba Ba pasek da Tolgay Arslan û wî jî bi şid lêda: 1-0. Maç bi vî awayî bi dawî bû. Di 30 deqîqeyên zêdek de jî encam neguherî û serketî dê bi penaltiyan bi dawî biba.

Her 5 penaltiyên Beşîktaşê (bi rêzê) ji aliyê Demba Ba, Gokhan Tore, Velî Kavlak, Atiba û Tolgay Arslan ve veguhartin golê. Li eniya Liverpoolê jî her çar penaltiyên pêşîn bûn gol, lê di penaltiya pêncan de Lovren nekarî golê biavêje û Beşîktaş bi 5-4 serketina penaltiyan derbasî tûreke jortir bû û ket nava 16 tîmên tûr derbas kirine.

11'yên her du tîman:

Beşiktaş: Cenk, Serdar, Franco, Necip, Opare, Atiba, Veli, Gökhan, Sosa, Olcay, Demba Ba.

Liverpool: Mignolet, Toure, Skrtel, Lovren, Allen, Can, Moreno, Ibe, Sterling, Balotelli, Sturridge

Sibê dê (27'ê mehê) dê saet 14.00'an de li Nyonê ji bo bi hev re lîstina 16 tîman pişke bê kişandin.