Diyarname

Xaleke balkêş a li ser bendava hilbjartinê a ji bo HDP'ê ji Dengîr Mîr Firat hat. Firat: "Li gor min pirsgirêka HDP'ê ya bendavê nîn e. Dê di bin sedî 15'an de bimîne yan na, emê li ku bin mesele niha ev e."

Îro Prof. Mithat Sancar û Dengîr Mîr Firat ji bo pêşnamzetiyê li Enqereyê serî li HDP'ê dan. Hevserokên HDP'ê Selahattîn Demîrtaş û Fîgen Yuksekdag serîlêdana Firat û Sancar girt. Herduyan piştî serlêdanê li salona civîna ya HDP'ê daxuyanî dan çapemeniyê.

Dengîr Mîr Firat pêşî axivî û got ku Tirkiye di pêvajoyeke krîtîk de derbas dibe û ji ber vê yekê biryar daye ku dîsa têkeve siyasetê. Firat da zanîn ku li Tirkiyeyê ji rojeva sereke yek jê pêvajoya aştiyê ye û anî ziman ku divê teqez ev pêvajo were parastin.

Firat li ser pirsa gelo HDP dê bendê derbas bike an wisa got: "Li gorî min pirsgirêkek bi vî rengî tune ye. Niha nîqaş HDP di bin ji sedî 15'an de bimîne yan na tê kirin. Emê li ku bimin ez nizanim."

Piştî Firat, Sancar axaftinek kurt kir. Sancar got ku hilbijartina 2015'an gelekî girîng e û wiha axivî: "Encama ku em bi dest bixin dê çarenûsa Tirkiyeyê jî diyar bike.Ez di wê baweriyê de me ku em ê vê bendê derbas bikin. Em ê ji vê bendê zêdetir dengan bigirin."