Diyarname
Navenda Çandê ya Amedê (DSM) di bernameya xwe ya rezberê de hin gotûbêj û çalakiyên din li dar dixe. Yek ji wan jî gotûbêja “Li ser sînemaya kurd” e û yeka din ku derdikeve pêş jî sohbeta li ser "Rojnivîska Spînoza" ye.
Di nav çalakiyên DSM’ê (Diyarbakir Sanat Merkezi) yên meha rezberê de çalakiyên bi kurdî û tirkî hene.
Çayakiyên DSM’ê 11’ê mehê bi pêşangeha “Tres Americas” a Ali Arif Esen dest pê dike. Pêşangeh heta 2’yê sermawezê dê dar be. Dûre di 18’ê mehê de di “Êvara helbestan” de Yelda Karataş dê bi helbestên xwe derkeve pêşberî helbesthezan.
Di 19’ê mehê de du kurtefîlmên bi navê "Teğgt" û "Îlk" bêne nîşandayîn û di 21’ê mehê de jî dê gotûbêjek bi navê “Li ser sînemaya kurd” li dar bikeve. Gotûbêja ku bi hevkariya Odeya Tabîban a Amedê tê li dar xistin de Kemal Yildizhan dê wekî axifger amade be û li ser sînemaya kurdî biaxive.
Di beşa “Pirtûka yekem” de Firat Kaya bi “Ona kangren hamleler” (26’ê mehê) bibe mêvanê DSM’ê. Çalakiya dawî ya DSM’ê dê 31’ê mehê bi navê “Nivîskar dixwîne” li dar bikeve. Di vê çalakiyê de nivîskar Şener Ozmen ku kurtedemek berê pirtûka wî ji Weşanên Lîsê derket beşdar bibe. Ozmen dê ji romana xwe “Rojnivîska Spinoza” beşeke bixwîne û bi mêvanan re jî sohbet bike, qala roman û nivîskariya xwe bike.