Diyarname

Şaxa Egîtîm Sen a Amedê û Komeleya Nivîskarên Kurd ji bo xwendekarên lîseyê pêşbaziya çîrokan lidar dixin. Xwendekarên lîseyên ên li Bakur dikarin beşdarî pêşbaziyê bibin.

Pêşbazî bi kurmancî û kirmanckî (zazakî) li dar dikeve. Her xwendekarek tenê dikare bi çîrokekê dikare tevlî pêşbaziyê bibe û divê ev çîrok li tu derî nehatibe weşandin. Xwendekarên ku di pêşbaziyê bi ser bikevin dê bêne xelatkirin. Ji bo çîroka yekemîn 500 TL, ya duyemîn 300 TL û ya sêyem jî 200 TL pede wekî xelat dê bê dayîn. 

Ji bo ragihandina pêşbaziyê daxuyanî hate dayîn. Daxuyanî ji aliyê Sekreterê Giştî yê Komeleya Nivîskarên Kurd Îlhamî Sîdar ve hate xwendin. Sîdar got ku dewlet hê di dibistanan de siyaseta asîmîlasyonê didomîne û wiha dom kir: "Armaca me ya sereke hişmediya zimanê kurdî ye." Sîdar bal kişand ser navê ku li pêşbazî kirine û got ku Nûredîn Zaza yek ji pêşengên çîroka nûjen a kurdî ye û li Rojava di şertên pir zehmet de çîrokên kurdî bi tîpên latînî nivîsandine. 

Sîdar bang li hemû xwendekarên lîseyê kir ku tevli pêşbaziyê bibin. Her du sazî dê bikin ku çîrokên ji bo pêşbaziyê hatine şandin di demên pêş de bikin pirtûk.

Kesên bixwazin çîrokên xwe bişînin dikarin bi rêya posteyê bişînin ber destên amadekaran an jî bi rêya e-mailê bişînin ser vê navnîşanê:

nureddinzaza@hotmail.com.