RIHA (DÎHA)

Zarokên Kobanî ji ber êrîşên çeteyên DAIŞ'ê bi malbatên xwe re hatin Pirsûsê, ligel hemû dijwariyê jiyana xwe didomînin. Zarokên pêlîstokên xwe û xeyalên xwe li paş xwe hiştin û li konabajaran dimînin, ji bo hezkirina welatê xwe bînin ziman wêneyan çêdikin.

Zarokên Kobanî ji ber êrîşên çeteyên DAIŞ'ê bi malbatên xwe re hatin Pirsûsê, ligel hemû dijwariyê jiyana xwe didomînin. Zarokên Kobanî dema êrîşên çeteyan de pêlîstokên xwe û xeyalên xwe li paş xwe hiştin. Zarokên li konbajaran dimînin li gorî bêderfetan ji aliyê Navenda Çand û Hunerê ya Amarayê perwerdeya zimanê kurdî, şano, wênesazî, muzîk, govend û gelek cureyên çandî û hunerî dibînin. Bi pêşengiya mamosteyên Kobanî li konbajaran ji bo zarok bandora şer ji ser xwe bavêjin pêşangeha wênesaziyê vekir. Wêneyên zarokan li Navenda Çand û Hunerê ya Amarayê hat pêşandan. Zaroka wêneyên xwe yên di bin bandora şer de maye û hezkirina welatê xwe anî ziman û welatiyan eleqederiyek mezin nîşan dan. 

'Armanca me bandora şer li ser zarokan rakin'

Berpirsyarê Navenda Çand û Hunerê ya Amarayê Mehmet Karakiş diyar kir ku ev du meh in perwerdeyê dide zarokan û her ku diçe gelek berhem derdikevin holê û wiha got: "Zarokên Kobanî bi rastî zehf afrînerin. Tişta pir zû fêr dibin. Armanca me ya sereke bandora şer ji ser wan rakine. Lê dema tiştên di hişê xwe de derbasî kaxizê kirin, me di kaxizan de jî dît ku hê jî di bin bandora êrîşên çeteyên DAIŞ'ê û lehengiya şervanên YPG-YPJ'ê de mane. Di wêneyên wan de azadiya Kobanî herî zêde hatiye xêzkirin. Piştre wêneyên şerwanên YPJ-YPG'ê tên dîtin. Her wiha çeteyên DAIŞ'ê jî hatine xêzkirin, lê çete biqirêjî û şerjêkirinê hatine xêzkirin. Divê mirov psîkolojiya zaroka baş zanibe. Zarok wek gulekî ne û mirov wek çavên xwe li wan binêre."

'Hezkirina welat li ser kaxizê xêz dikin

Mamosteyê ji Kobanî Anter Elî jî anî ziman ku bandora şer ji ser zarokan rake aktîvîteyên curbi cur li dar dixin û wiha axivî: "Bêguman ên ji ber ev şerê hovane bandor lê kiriye herî zêde zarok in. Em jî ji bo vê bandora şer ji ser zarokan rakin, heta ji destên me tê didin jibîrkirin. Armanca me ya vê pêşangehê jî di bin hişê zarokande çi heye derxe holê. Hezkirina welat li ser kaxizan dinivîsînin. Divê xebatê me dît ku ev şer bandor li ser zarokên Kobanî hemûyan kiriye. Gelek tiştên cuda derket holê. Zarokên me ev 4 meh in dûrî welatê xwe ne. Ji ber vê yekê pir xemgîn in. Divê her kes xwedî li zarokên Kobanî derkevin. Niha pêdiviyên me bi pênûs, lênûsk, boyax, pêlîstok, cilên zivistanê hene û ev pêdiwiyên me yên sereke ne."

'Min bêriya axa Kobanî kiriye'

Zaroka bi navê Dîla Mihemed anî ziman ku van wêneyên çêkiriye bi xeyalê xwe û hêstiyariyê xwe çêkiriye û dixwazi niha biçe welatê xwe. Mihemed destnîşan kir ku êdî xeyalê xwe li Kobanî pêk bîne û wiha got: "Ji ber ku min bêriya welatê xwe kiriye, hezkirina welatê xwe li kazixan nivîsandiye. Min pir bêriya axa welatê xwe kiriye, lewma min wêneyê xwe li ser axa Kobanî çêkiriye. Ez bawerim demek nêz de em ê biçin Kobanî û êdî li welatê xwe bimînim."