Amed
Dîwana dengbêjan ku bi organîzeya Komeleya Çand û Hunerê ya Bismilê hate danîn, bi eleqeyeke mezin re rû bi rû ma.
Bîs-Der'ê bi armanca jiyandin û nasandina çanda kurd li Navçeya Bismila Amedê dîwana dengbêjan danî. Di dîwana li avahiya Bîs-Der'ê hate danîn de dengbêj Şahabettîn Açik, Kazim Ornek, Yalçin Selkî, Orhan Çelîkkiliç û Hîdayet beşdar bûn. Denbêjan bi klamên xwe bûn sedema jiyîna demên hestewar. Ji guhdaran jî Alî Erol û Sertîp Açik bi klamên gotîn şev rengîntir kirin. Her wiha di axaftinên di şevê de hatîn kirin de jî girîngiya çand û ziman hate destnîşan kirin. Dengbêj û guhdaran anîn ziman ku dê heta dawiyê li çanda xwe û zimanê xwe xwedî derkevin. Şeva heta deren dom kir ji gel eleqeyek mezin dît.
Ji DÎHA'yê hate girtin