Diyarname
Fîlmmor Festîvala Fîlmên Jinan ya Gerê ya Navneteweyî ya di 6 saliya xwe de ye. Îsal bi mijarên ‘Dîroka Jinan: Serhildan, Îtaet û Femînîzm’ bi tevahî dê li 13 welatan 46 fîlm bên nîşandan. Mîhrîcan dê 14’ê Adarê li Stenbolê dest pê bike û li Eskîşehîr, Dersîm û Wanê bidome. Mîhrîcana Navneteweyî ya Fîlmên Jinan yên Gerê ya Fîlmmor ku ji aliyê Fîlmmorê ve tê amadekirin sala 6’an e tê amadekirin. “Bi qasî îtaetiyê serhildan, ji xeyala jiyaneke din ango dîroka femînîzmê yanê dîroka jinan, hebûna jinan bi çîrok û xeyalên jinan…” li ser wê fikrê di mîhrîcana îsal de li 13 welatan 46 fîlm cih digirin.
Mîhrîcan ji bo ‘aşkerebûna jin û hemû jiyana wan’, di nava jinan de danûstindina tecrubeyan, tevlîbûna jinan a çapemenî û sînemayê, di wê qadê de xwezêdeîfadekirin, zêdekerina hêz û hilbirînê, di sînema û her qadê de newekheviya zayendî, di her şert u^mercan de xwedîbûna heman fersenda ya jin û mêran, jiyaneke ku cudaxwazî û tundî tê de nîn e, tê li darxistin.

Nîvê temaşevanan mêr in

Xebatkarên fîlmmorê Gul Saglam û Melek Ozmen derbarê bernameya mîhrîcanê de agahî dan û wiha gotin: “Her sal beşdariya hejmara derhêrên jin ên belgefîlm û kurtefîlman zêde dibin, lê di warê fîlmên metrajdirêj de hejmara fîlmên jinan hê kêm in.”
Ozman bi lêv kir ku mîhrîcana fîlman a jinan e, lê dîsa jî nîvê temaşevanên wan: “Em ji bo jinan cudaxwaziya pozîtîf dikin. Em behsa dîrok, xewn û xeyalên jinan dikin. Eger mimkun be bila mêr di bernameyê de tenê fîlman temaşe bikin.”

Li benda rêxistinên jinan e

Mîhrîcan sala borî li Amed, Agirî û Samsunê pêk hatibû. Îsal dê tenê li 4 bajaran ve bê sînorkirin. Ji ber sedema pêkanîna mîhrîcanê koordînatorên mîhrîcanê wiha gotin: “Li kîjan bajarî komeleyên jinan ên bi rêxistinî hebin di wî bajarî de şansê me yê lidarxistina mîhrîcanê heye. Îsal tenê bajarên ku rêxistinên jina hene amadekariya mîhrîcanê kirin û ew dawet kirin. Ji ber vê yekê mîhrîcana me dê têne li van bajaran bê lidarxistin. Em li hemû bajarên ku komele û rêxistina jinan heye li hêviya vexwendinê ne.”

Mîhrîcana îsal, dê bi gelek fîlman, di 14-22’ê Adarê li Stenbolê li Navenda Çanda Fransî û Sînemaya Alkazar ya Beyoglu de bê nîşandan. Piştî Stenbolê dê di 28-29’ê Adarê li Eskîşehîr, 4-5 Nîsanê jî li Dersîmê û di 11-12’ê Nîsanê de jî li Wanê dê derkeve pêşberî temaşevanan. Bi boneya mîhrîcanê de, dê vîdeo, forum, atolyeya xwendina fîlman û bi derhêneran re gotûbêj bên amadekirin.

Ji Tirkiyeyê du fîlmên metrajdirêj

Di mîhrîcanê de di beşa sînemaya jinan de fîlmekî ku li Hîndîstanê jiyaneke nûjen ya tijî ‘gokdelana’ de tunebûna tuvaletê tê tê nîşandayîn. Dîsa fîlmekê ku li Makedonyayê jineke dixwaze akordiyonê bixe têdikoşe dê bê nîşandan.

Li Kanadayê, çîroka jineke ku, mimkun e mirov bir yar bide ji yek kesê zêdetir hez bike, tê vegotin. Li Îzlandayê jineke ku amade ye zayendiya xwe diyar bike rastî surprîzan tê. Li Îsraîlê jina her tiştî diavêje hundirê xwe û ji ber canbêzariya xwe her tiştî ji bîr dike. Di mîhrîcanê de, li DYA’yê li hemberî êrîşên zayendî rêxistinbûna jinên reş û her wiha bi naveroka çîrokên gelek cuda dê fîlm bên nîşandayîn.

Her wiha di mîhrîcanê de dê fîlmên derhênerên Tirkiyeyî Bîket Îlhan yên weke ‘Dêwê Çavşîn’ (Mavî Gozlu Dev) û fîlma Handan Îpekçî ‘Rûyên Veşartî’ (Sakli Yuzler) bên nîşandan. Di sala 2007’an de di nav 43 fîlman de tenê fîlmên ‘Dêwê Çavşîn’ û ‘Rûyên Veşartî’ ji aliyê jinanve hatine kişandin, her wiha ev fîlm dê di beşa mîhrîcanê ya ‘Li Tirkiyeyê Sînemaya Jinan’ bên nîşandan.