Diyarname
Yaşar Kemal jî di nav de gelek kes û saziyan ji bo wefata Şerafetin Elti peyam weşand.

Vane ew peyam:

KCD: Wê cihê xwe yê birûmet yê di dilê gelê kurd de biparêze

Kongereya Civata Demokratî di peyama ku li ser weyata Elçî weşand de wisa got: "Birêz Elçî yek navên sembsolê ê ji bo têkoşîneriya qedîm a kurdan bû.
KCD'ê got ku xebata wî ya ji bo sazkirina konferansa neteweyî nayê ji bîr kirin û got: "Ew dê her gav cihê xwe yê birûmet ê di dilê gelê kurd de biparêze."

BDP: Li hemberî asîmîlasyonê ew bÎrekî bû

BDP'ê jî di peyama xwe ya ku li ser navê Hevserokên BDP'ê Gultan Kişanak û Selahattin Demirtaş hat weşandin de, hate gotin ku xebata Elçî ji bo sazbûna konferansa neteweyî kiriye gelek biqîmet e û di heman demê de mîrateyeke ku wî li dû xwe hiştiye.
Di peyamê de wisa hate gotin: "Em gelek xemgîn in ku me hevalê xwe yê birêz, dost û hevrêyê xwe, Mebûsê Bloka Me yê Amedê, Serokê Giştî yê KADEP'ê winda kiriye."

KNK: Elçi, şehîdê doza Kurdistanê ye

Kongreya Neteweyî ya Kurdistanê (KNK) jî peyama sersaxiyê weşand û got: "Ew şehîdê doza Kurdistanê ye. Ji nav me barkirina wî ji bo gelê kurd windayiyeke mezin e."

Her wiha KCK, Hak-Par jî peyameke sersaxî weşand
 

Yaşar Kemal: Bila serê her kesê dixwaze bi însanî bijî sax be

Romanivîs Yaşar Kemal jî peyameke ji bo Elçi weşand û wisa got: "Bila serê her kesê ku dixwaze li Tirkiyeyê bi awayekî însanî û biratî bijî sax be. Ew lehengekî bû."

Şivan Perwer: Bila serê tevaya gelê kurd sax be

Fonda çand û huner ya Şivan Perwer di peyama xwe de wisa got:  "Wekî fonda çand û huner ya Şivan Perwer bo malbata rêzdar û tekoşer mam Şerefettîn, kesûkar û dostên wî û tevaya gelê kurd re sersaxî dixwazin."