Destdirêjiya li ser nasnameya miletê kurd!
Kurdbûna Zazayan ne tenê di çavkaniyên Kurdan de di hemû çavkaniyên Îslamî û Tirkî de jî rastiyeke aþkera ye. Ji destpêka damezirandina Komara Tirkiyeyê heta îro karbidestên dewletê li beramberî nasnameya miletê Kurd polîtîkayên þaþ û nerewa peyrew dikin. Tirkiyeya kemalîst bi tu awayî xwe nedida ber qebûlkirin û naskirina miletê Kurd, îro jî karbidestên muhafezekar û îslamî yên dewletê li ser rêça hukumetên beriya xwe di nava heman þaþiyên siyasî de ne. Em dibînin dema înkara miletê Kurd pere nake vê carê dest davêjin qulpê fitneyê û dixwazin di nava miletê me de duberekî çêbikin.
Di 1925an de piþtî ku piraniya Kurdên Zaza digel birayên xwe yên din di pêþengiya Þêx Seîd de ji bo mafên xwe yên dînî û mîlî serî hildan, dewletê jî dest bi propagandayên ciyabûna Zaza û Kurmancan kir û xwest yekrêziya miletê Kurd biþkîne. Ji wê demê û vir ve bê ku vê îdîaya xwe bispêrin rastiyeke dîrokî, berdewam vê fitneyê li dijî Kurdan weku alavekî þer bi kar tînin.
Herî dawî wezîrê perwerdeyê li Çewlîgê li ser pirtûka dersa bijarte ya Kurdî ku ji aliyê mamosteyên beþa Kurdî ya Zanîngeha Mêrdînê hatibû amadekirin, got nabe Kurmancî û Zazakî di bin navê Kurdî de bên xwendin û pisporên Zanîngeha Mêrdînê riyeke þaþ dane ber me. Bi vî awayî hukumeta muhafezekar a îslamî nîþan da ku li ser bingeha polîtîkayên Tirkiyeya kemalîst dimeþe û tu qîmetê nade nirxên miletê Kurd.
Hebûna lehçeyên ciyawaz ne tenê di Kurdî de di piraniya zimanan de tê dîtin û ev rastiyeke aþkera ye. Dewleta Tirkiyeyê digel ku bû hezar sal e ji Asyaya Navîn koç kirine û di navbera wan de gelek ciyawaziyên zimanî û toreyî peyda bûne jî Tirkên Tirkiyeyê, Tirkmenan, Azeriyan, Kirgizan, Kazakan, Ozebekan, Kipçakan weku yek milet û zimanê wan jî weku yek ziman qebûl dike. Li beramberî vê Kurdên Zaza û Kurmanc digel ku di nava hev de dijîn, hemû awayên jiyana wan mîna hev e, mexdûr û mezlûmên heman polîtîkayên dewletê ne û di navbera wan de ji bilî ciyawaziyên lehçeyî tu ciyawaziyên din nînin, wan weku du milet û zimanên wan jî weku du ziman dide zanîn.
Kurdbûna Zazayan ne tenê di çavkaniyên Kurdan de di hemû çavkaniyên Îslamî û Tirkî de jî rastiyeke aþkera ye. Wezîr eger ji mamosteyên Zanîngeha Mêrdînê bawer nake bila guhdariya Ewliya Çelebî yê Osmanî û Ziya Gokalp ê teorîsyenê Mustefa Kemal bike.
Bi vê munasebetê em weku Komeleya Nûbiharê bang li birayên xwe yên Zaza dikin ku li hemberî vê heqaret û bêrûmetkirinê bêdeng nemînin û nedin pey þopa çend kesên berjewendîperest ku ji bilî bikaranîna Zazayan tu mebesteke wan a din nîne.
Herwuha em bang li hukumetê jî dikin ku dev ji van polîtîkayên þaþ berdin û derheqê daxuyaniyên wezîrê perwerdeyê de raya xwe aþkera bikin. Êdî divê dewlet dest ji tarîfkirin û dabeþkirina miletê Kurd berde û rêz li hebûn û ciyawaziyên miletê me bigire.
NAVENDA KOMELEYA NÛBIHARÊ
Ji Zazaki.net hatiye girtin