Nûran Atli

“Lêgerîna li ber siya dara hêviyê pêþketî”

Þaredarê Êlihê Edîp Solmaz, ev hevoka li jor ji bo hilbijartinê ji xwe re wekî diruþm diyar kiribû. Logo ango sembola ku Solmaz ji bo hilbijartinê ji xwe re diyar kiribû jî darek bû. Lê ev dar hatibû qedexekirin. Her çiqas dara Solmaz wê demê hatibe qedexekirin jî îro ev dara hêviyê wekî logoya HDP'ê tê bikaranîn.

Solmaz ji bo muzîka hilbijartinê jî strana “Batman e Batman e” ji xwe re hilbijartibû.

“Batman e Batman e

Lê bilê gulê

Lê bilê gulê

Lê bilê gulê

Batmana kurdan e

Çav belekê

Dev çûçekê

Dest biçûkê

Eyngewerê canê”

Mitînga Solmaz a hilbijartinê jî hatibû qedaxekirin.

Ev stran straneke pir kevn e û ne diyar e kê nivîsandiye; gelêrî ye. Bi demê re polîtîk bûye û li gorî roja îro dewlemandiya dewetên kurdan û bedewiya Kurdistanê ye. Her wiha bi demê re wekî li jêr gelek gotin lê hatne zêdekirin.

“Batmana mêran e

Lê bilê gulê

Lê bilê gulê

Lê bilê gulê

Hemû wek þêran e

Sîng sedefê

Çav belekê

Dev çûçekê

Dest biçûkê

Eyngewerê canê

Gula Kurdistan e

Lê bilê gulê

Lê bilê gulê

Lê bilê gulê

Gula Kurdistan e”

Ev stran her tim min dibe zarokatiya min. 10 sal piþtî 12’ê Rezberê bû; li kuçe û kolanên Þemrexê yan jî Mazidaxî me ev stran digotin. Jixwe dema min þoreþ nas kir difikirim ku ev strana gelerî ji bo Edip Solmaz hatiye nîvisandin. Ez bawerim îro jî gelek kes wekî min difikirin.

Edîp Solmaz kî ye?

Li Êlihê ji dayik bûye û ji êþîra Xerzan e. Wekî efser leþkeriya artêþa tirk kiriye. Dema ku efserê artêþa tirk bûye, li navçeya Licê ya Amedê erdhej çêbûye û çûye herêma erdhejê. Li herêma erdhejê leþkerên tirk heqaret li miriyan dikin û ev zora Edîp Solmaz diçe û ji artêþa tirk vediqete.

Piþtre Faqulteya Hiqûqê qezenc dike, lê belê dema wî ji bo xwendînê nîn e. Tev li Tevgera Siyasi ya Kurd dibe. Di sala 1979’an de (nêzî 44 sal berê) li ser navê Tevgera Azadiyê dibe Þaredaê Êlihê. Dema ku dibe þaredar 27 salî ye. Bi dengekî zêde bi ser dikeve.

Di 19’ê mijdara 1979’an de dema ku þaredar e tê kuþtin. Tenê 28 roj þaredarî kir.

Wekî mîna stêrkek þewqa çirûskê xwe li ezman dibiriqîne, lê hêdî hêdî dixurice û ji kolanên Êlihê winda dibe. Ji mirovan re dibe wekî çemek û diherike.

Niha wêneyekî wî di destê min de heye. Ev wêneyê wî herkes dizane. Xortekî ciwan, bejin zirav, nêrîneke fediyok û jixwe bawer.

Ev wêne her li ber çavê min e û strana “Sing sedefê dev çûçekê, dest biçûkê, eyngewerê canê” di guhê min de ye. Her min digot ji bo ev stran ji bo Edîp Solmaz hatiye nivisandan.

Li gorî min þaredariya Edîp Solmaz yekemîn hevdîtina dewlata Tirk û Tevgera Azadiyê ya Kurd e ya li herêmê ye. Jixwe Edîp Solmaz yekemîn þaredar e ku qayûm tayînî þûna wî hatiye kirin. Balkêþ e 44 sal piþtî Edîp Solmaz îro dîsa þaredarî tayînî ser þaredariyên kurdan kirine.

“Hemû wek þêran e

Sîng sedefê

Çav belekê

Dev çûçekê

Dest biçûkê

Eyngewerê canê”

Ji ber neftê (petrol) îro Êlih bûye parêzgeh. Ji aliyekê ve jî bûye warê feqîr û xizanan. Êlih ji koçberên kurdistanî, karker û kedkaran re bûye derî. Ji ber vê taybetmendiya wê îro ev gotin li strana “Batman Batman e” hatin zêdekirin;

“Petrol e petrol e

Lê bilê gulê

Lê bilê gulê

Lê bilê gulê

Petrol e petrol e

Sîng sedefê

Çav belekê

Dev çûçekê

Dest biçûkê

Eyngewerê canê”

Dewlemendiya Kurdistanê ji kurdan nebû yar. Mînakeka vê jî Peymana Sedsalî ye Lozanê ye; ji bo ku kurd nebin xwedî statu Misûl dan îngilîzan.

Di vê salvegera sedsala Lozanê û nîv sedsala (47) Tevgera Siyasi Kurdan de Edîp Solmaz bi bîr tînim.

Ji bo Rojnameya Xwebûnê ev nivîsa min a yekemîn e. Ez jî weke þaredar li navçeya Þemrêxê ya Mêrdînê hatim hilbijartin. Dema ku bûm þaredar 26 Salîi bûm. Dema ku bûm þaredar min xwe di bin siya dara pêþketî û logoya hilbijartinê ya Edîp Solmaz de deyndar dît.

Hêvî dikim ku ev strana gelêrî ku veguherîbû straneke þoreþgerî û polîtîk di demeke nêz de xwe veguherîne Kurdistaneke azad û serbixwe.

Batman e Batman e gula Kurdistan e…

Ji Xwebûne hatiye girtin