Diyarname

E-kovara li ser sînemayê ya bi navê Temaşe bi hejmara xwe ya 5’an li pêşberî hezkiriyên sînemayê ye.

Kovara ku her dem sal carek tê amadekirin bi ser înternetê re wekî PDF tê belavkirin. Yên bixwazin dikarin daxwin û bixwînin.

Hevpeyvîna vê hejmarê ligel derhêner Soleen Yusef hatiye kirin. Yusef ku ji Duhokê ye di sala 2016'an de fîlmê xwe yê metrajdirêj "Mala Bêbanî" kişandibû. Niha ji bo Netfliks û hin platformên din fîlm û rêzefîlman dikişîne. Yusef li ser jiyana xwe, fîlm û projeyên xwe agahiyan dide.

Ji nivîsên e-kovarê Nurullah Akcanî bi sernavê "Henaseyek Nû: Sînema li Rojavayê Kurdistanê" nivîsek nivîsiye û li ser rewşa sinemayê ya Rojava sekiriye.

Bîlal Korkutî jî bi sernavê "Xwendineke femînîst li ser fîlmê 'Welatê min yê tehl û şêrîn'" berê xwe daye fîlmê derhêner Hinar Selîm.

Her wiha Benazîr Ozmen, Rojen Hêvî, Mela Mihyedîn, Omer Bextîyar, Burcu Roza Allahverdi, Rûmet Med, Mehmûd Beyto bi nivîsên xwe ked dane e-kovarê.

Ji bo xwendinê:

- TEMAŞE - 5