Diyarname

Antolojiyeke nû ku ji çîrokên nivîskarên jin pêk tê derket: “Antolojiya Êşa Jinan”. Antolojî ji Weşanxaneya Na derketiye û têde 20 çîrok hene.

Pirtûk bi navê “Ji 20 Jinan 20 çîrok, Antolojiya Êşên Jinan” ji Weşanxaneya Na derket. Antolojî ji aliyê Yasemîn Elban hatiye amadekirin.  Ji bajarên cur bi cur nivîskarên jin ên kurd bi çîrokên xwe beşdarî antolojiyê bûne. Her yek serboriyek, çîrokek pêşkêş dikin.

Di pirtûkên de ev çîrokên nivîskaran cih girtine: “Gullan” (Leyla Qadirî), “Gola Meyandî” (Leyla Mexso Berazî), “Nameya Kuştinê” (Narîn Omer Seyfedîn), “Dora Desmalê” (Mîdiye Berekat), “Bextan Reş Nekin” (Hind Ebdelo), “Kevirê Heneyê” (Yasemîn Elban), “Gundê Dînan” (Kurdiye Irgat), “Jana Perperokê” (Nesrîn Rojkan), “Egît” (Umît Fatma Firat), “Qolinc” (Nerîman Yagiz), “Bêxîreto!” (Gula Almastê), “Mirîstan” (Gulgeş Deryaspî), “Aqilê Wê Jê Nebirî” (Evîn Hesen), “Ji Vî Welatî Dernakevim” (Vejîna Kurd), “Vanêlya” (Merwa Birîm), “Nikulê Beytikê” (Berfîn Dîcle), “Qêrîniya Bêdeng” (Sewda),  “Perîqa Qaqlîbazê” (Laleşa Ûsiv), “Ez,Baran û Pira As” (Amîne Pîrozxan)

- 20 Jin 20 Çîrok, Antolojiya Êşên Jinan / Amadekar Yasemîn Elban / Weşanên Na / 182 rûpel / Çîrok / 2021