Diyarname

Li Spanyayê nîqaşa li gor protokolê tevnegeriyane û berî dora wan bê  derziya Covid-19 li xwe dane dest pê kir. Di nav van de hin siyasetmedar, leşker û rayedarên payebilind hene. Li ser vê Serfermandarê Artêşa Spanyayê Miguel Angel Villarroya îstîfa kir.

Ji 17 herêmên xweser ên Spanyayê li Murcia wezîrê tenduristiyê yê herêmê û li herêma Baskê jî du midûrên nexweşxaneyê li gor protokolê tevnegeriyane û derzî li xwe dane. Piştî nîqaşan nava hefteyê wan îstîfa kir.

Herî dawî derket holê ku Serfermandarê Giştî Miguel Angel Villarroya û hin leşkerên di asta bilind de derzî li xwe dane. Bi belavbûna vê agahiyê re Serfermandar Villarroya îstîfa kir. Li aliyê din Wezîrê Karên Hundir yê Spanyayê Grande Marlaska yarbayek ku li baskê jendirmeyan kar dikir ji peywirê girt