nîvê şevê saet duwazde, şevek j’ şevên zivistanê
salek nû tê ber bi me de, salek nû tê Kurdistanê

bo sala nû me neqişand darek çaman xemilandî
tev bi qeseb û zêrînan hêvîyên me pêv alandî.

pîroz bê`l me ev sala nû yê li hûndir, li yên derve
em tev bijîn bi jînek nû fekî û team tev li ber me.

zarok diçin nava malan pîroz dikin serê salê
radimûsin destên kalan: "Xwedê kurkî bide malê"

her roj wisa wek sersalê kêf û xweşî pahra me ba;
li ser dine ev bindestî, û zordarî jî qet neba.

cîhanek bê hêsr û girî me divê ji te bavê Noel
zarokên têr î nemirî me divê ji te bavê Noel

Behram Dara
22.12.1987/ Nisêbîn

Têbiniya Diyarnameyê: Nivîskarê me Arjen Arî ev helbest di sala 1987'an de nivîsandiye. Wî, wê çaxê navê Behram Dara wekî şanenav di bin helbestan de dinivîsand. Weşandina helbesteke ji wê demê di vê sersalê de tişteke. Em hêviya bi hezaran helbestên din ji kek Arjen Arî dikin û sersala wî û xwendevanên wî pîroz dikin.

arjenari99@yahoo.com