Ez anketçî niya!
Ez çalakî Enstîtuya Kurdî ya Stenbolî ra vecêna. Lezê mi est o. Gere ez biresî cay xo. Bi leze leze ez gaman erzena. Niþka vera jo vano:
- Deqeyke!
Kuçe de kam veyndo mi, muhîm niyo ew parsek bo, firoþkar bo yan jî çîkew bîn bo, ez vindena û goþ dana ci. Ew ten kam beno wa bibo însan o û ez zey însanî nizdê cê bena. Wexto vengê “Deqeyke” yeno, ez vindena, vero xo açarnena. Ew vano:
- Ez anketçî niya! Ez wazena çîke vacî?
Ez bi pers bersivê ê dana:
- Ma qey anketçîtî çîkew xirab o?
Ew þoq beno. Hîvey bersivêke aneyîn nêbî. Þaþ beno. Ziwanê cê girêdiyeno, nêzano vaco çi. Ez persê xo dibare kena:
- Erê, qey anketçîtî çîkew xirab o?
Serê persê min ê diyin ra yeno xo ser, vano:
- Nê bira, to þaþ fam kerd, min nêwaþt ana vacî…
Ez vana:
- La, to waþt vacê çi?
Vano:
- Wexto anketçî wazenê anket bikerê þar hêrs beno, loma mi ana va. Ma qeybî karê …… alîkarî danê pêser. (Ez nêwazena tiya qalê karê cê bikerî loma ewca min veng verda)
Ez vana:
- Ka, vace ez çawey alîkarî to bikerî? To enka karekê qic vîna, to merdimê ke ê karî kenê, yanê to anketçî qic vînay, to anketçî kerdî binê erd î. Ti enka çawey bi enî karê xo nan wenê, anketçî zî bi karê anketî nanê xo wenê. Bi kerdiþê xo ti anketçiyan xirab vînenê, ti bi namey înan dest bi veyndayiþê merdinê reyra þinê kenê û ti alîkarî wazenê…
Merdim vano:
- Bira qisûr mawne, wele niyetê mi ana nêbî.
Ez vana:
- Beno niyetê to ana nêbo, beno ke þar anketçiyan ra aciz jî bo, la ti anketçiyan nêparêznenê, ti þarî ra nêvanê ‘bawnê ê zî bi enî karî nanê xo wenê’ ti înan qic vînenê, ti zî înan xirab nîþan danê. Ka ez çawey alîkarî to bikerî? Qisûr mawne, ez nêþkena to rê alîkarî bikerî.
Merdim serey xo keno verê xo û vano:
- Wele ti heqliyê.
Bê ke ez bikerî derge ez alîkarî cê nêkena, ez vana “bi xatirê to” û ez rey xo dewam kena.
Her kes zano la ma reyna vacê; Dinya de bi seyan, hezaran, deh hezaran, belkî zehftir karî estê. Her kes bi karê ke nanê xo weno. Anketçî jî bi karê xo. Heme karî verî heme çî qeybî xizmetiyê, anketçîtî jî karêke anayîn o. Ez bi xo anketçî niya, la ez qedr û qîmetê yînan zehf zana. Ê kedêke zehf e danê, perey ke tay gênê.
Tirkiya de henî desthilatdarî zehf qîmet danê anketan. Henî estê zehftir qîmet danê anketan, her game, hema vace her aþme anket virazenê. Miyanê ma kurdan de astê anket û qîmetdayînê anketan tay o. Seranê peyînan de newe newe qîmetê anketan beno vila…
***
NOT:
Kê cînan awan bo, embazanê ma weþt ez bi kirmancî qeybî rojnamey Xwebûnî binisnî. Heta enka mi paþnamey "Oguz" jî "Andok" jî þoxolnawo. Mi texmîn kerd ke qeybî rojnameyî ez namew û paþnamey xo "fermî" biþixolnî belkî baþtir bo. Loma bi namey xo ma quncik da dest pa kerdiþî. Di Diyarname de mi bi "Andok"î her bi kirmanckî nistê. Ez wazena tiya anekî dewam bikero.
Niþtey ke rojname de bêro neþrkerdiþî ez nêwazena ca de biko miyanê înternetî; sedemo wa vernî de rojnamewo çapkerde baþ bêro vilakerdiþ û rotiþî. Dima ke hûmara newî veciya ez wazena niþte ewcara bigirî, binçime jî binisnî û neþr bikerî. Eyro hûmara newî, ay 4'inan vecêna, loma ma hendî eþkenê ene niþtî tiya bikerê vila.
Ene niþte "Ez anketçî niya!" hûmara hîrinan (04-11.01.2020) a rojnameya Xwebûn de hamiya çapkerdiþî. Qeybî rojnamî: www.xwebûn.org