Îstîfa
Îstîfa çekuyê ke bi erebî ya. Maneya xo, jo xo bi xo dest kar ra verado. Di serdemê modernî de, bi taybetî welatanê modernan de îstîfa zehf yena xebetnayîþî, welatê tepiya mendê yê zey Tirkîya, Rojhilato Mîyanîn de îstîfa zêde çinî ya. Meseleya ma ya ewroy îstîfa wa.
Fûtbol de îstîfa
Me mîyanê cihane de fûtbolî de zehf rastê îstîfayan yenê. Di tîmanê fûtbolî yê welatanê dinya de bi taybetî teknîk dîrektorî wexto ke bi ser nêkunê îstîfa kenê. Welatanê Ewropa de eno awa îstîfa esta, la en zehf zî Tirkîya de wa. Tirkîya de her serêkey futbolî de, tenê Lîgo Super de belkî des teknîk dîrektorî îstîfa kenê û ca bedelnenê.
Îngilistan de îstîfa
Welatê Ewropa de heme anayê, eke weçînayîþ de partîyê înan ser nêkewa, serekê partîyan îstîfa kenê. Ê îstîfa zî zey rûmetî vînenê. Xala balkêþe Îngilistan de wa. Îngilistan de Partî Mihafezekar û Partîya Karkeran (PK), di partî her welat reyra benê. Di serey 1997’inan de Tony Blair zey Serokê Partîya Karkeran bî Serokwezîrê Îngilistanî. Blair 10 serrî serokwezîrî xo dewam kerd û 2007’inan de kursî xo teslîmê Gordon Brownî kerd. Brown wexto di serey 2010’inan de di weçînayîþ de bi ser nêkewt îstîfa kerd. A çaxî ra nat PK nêbiya îqdîtar. Ed Miliband hame cay Brownî, la 2015’inan de nêþka weçîyanîþ de bêro îqtîdar û ê zî îstîfa kerd. Jeremy Bernard Corbyn hame cay cê û bî serekê PK’î, heta 2020’inan ê zî nêþka PK’î bikero îqtîdar û îstîfa kerd. Emsar Keir stamer bîyo Serekê Partîya Karkeran.
Tirkîya de îstîfa
Îngilistan de mesela ana wa la Tirkîya de away bîna. CHP xo zey partî çep û karkeran mocneno ra. Kemal Kiliçdaroglu di 22’yê gulama 2010’î de hame cay Deniz Baykalî. Referandûmî zî têde nizdê des weçînayîþan de Kiliçdaroglu têk þî, nêþka partî xo bikero îqtîdar la reyna zî serê karê xo de wo û îstîfa nekeno.
Îstîfayê Bîlgenî
Ma çi rê serê ene mesela de vindertî? Semedê Hemþaredarê Qersî Ayhan Bîlgenî. Bîlgen merdimêke zanawo. Roja 25’ê Êlûna 2020’inan Þaredar Bîlgen û dewrê 20 rêveberê verî û enkay ê HDP’î hamey tepiþnayîþî. Dimay heftey ke Bîlgenî bi parêzeranê xo dir xebere þirawite teber; “Egir ez bêrî girotiþî ez o hepis de kitabê xo yê 3’inan binisnî. Ger bêrî veredayîþî û heta a çaxî hema kayûm nêþirawitbo serê Þaredarî Qersî, ez o þaredarî ra îstîfa bikerî û ez o karê koperatîfî dewam bikera ke eno kar zî qasê karê þaredarîye muhîm o. Heme partî têdir eþkenê pîrekêke weçînê, Qers ene joy heq keno.” Dewlete ke waþtêne qayûm biþrawa serê þaredarî ene xeberey îstîfa ser tepiþnayîþê înan dewam kerd û roja bîn Hemþaredara Qersî Þevin Alacaye zî mîyan de Encumenê Meclisey Qersî yê HDP’î û rêveberê bînî yê HDP’î zî girotî bin çiman. La îstîfayê Bîlgenî zey hemleyêk muhîm veng da. Rî dewlete baþtir mocna dinya. Helbet rojo ene niþte hamî niþtiþî Bîlgen û rêveberê bînî hamey girotiþî û ê þirawitî hepis, belkî qayûm zî biþrawê Qers la hemley îstîfa hemleyêk muhîm bî.
Heta Tirkîya û welatê tepîya mendê de meselay “îstîfayan” baþ nêro famkerdiþî, heta merdimî bi desan serran serê enû kursî de rûþê ê welatî nêbenê demokratîk û raver nêþinê.
Ene niþte 05.10.2020 de, rojnameya Xwebûne de hamiya neþrkerdin.