Ez nêzana şima no foto vînaw yan nê? Fotoy qantirê ke hamey kiştişî...
Li welatê ma heywanê barî qe nînê kiştişî. Heywanê barî zey "dest û lingê" kurdan ê. Yê bi qîmet ê. Qîmetê yînan nîno setişî.
Amnanî kurdan çaway qeybî xo û malbatey xo lazimî zimistanî kerdê, çî dayne we, paşûrî kerdê pirê, qeybî heywananê xo jî lazimî zimistanî kerdê, mereqî kerdê pirê. Qeybî bergîr, qantir û heranê xo jî simer û cew dayne we, lazimî zimistanî kerdêne.
Amnanî kurdan çaway qeybî xo û malbatey xo lazimî zimistanî kerdê, çî dayne we, paşûrî kerdê pirê, qeybî heywananê xo jî lazimî zimistanî kerdê, mereqî kerdê pirê. Qeybî bergîr, qantir û heranê xo jî simer û cew dayne we, lazimî zimistanî kerdêne.
Miyanê kurdan de serê zehf çîde pêrodayiş viraziyo wo. Enî pêrodayişan de zehf merdîmî hamey kiştişî la niyamewo vînayişî ke neyaran ra joy verê xo dawo bergîr, qantir an heran û ê kiştê...
Bergîr, qantir, her, enî herîrî lazimî keyan bî, bi yînan bar antêne. Cay yînan miyanê kurdan de bîbî. Gorey herêman re henî ca bergîr, henî car qantir, henî car tenî herî bîbî.
Sînor de (sînorê ke dewletan miyanê kurdan de viraştê) zêde bergîr û qantirî bîbî. Kurdan qe ê sînorî nas nêkerdê, her sînor derbas kerdêne û şîne û hameyne. Re rey serê sînorî de paro nayne mayînan û merdê ne. Re rey bergîr/qantirê cînan paro nayne mayînan û ew bîne parçe parçe. La kurdan her ew sînor derbas kerdêne. Înan her têdir dayne û girotêne, bê ke bawnê tiya sînor esto yan çiniyo. Têder karê girotiş û rotişî jî kerdêne. Dewletanê serdestan namey "qaçaxçî" ro eno karî kerd bî, sedemê ene joy jî her vernî ro yînan girotêne. Re rey jî ê dayne verê guleyan. "33 Gule" meselay ke aneyîna. Û Roboskî meseleyke bîna ke hema ene birîney ma nekewiyawa. Erê nêkewîyawa la birîneke bîne rojê 24'ê adarê 2015'inan de viraziya. Reyna herêmey Roboskî de, dewlete "sedemê qeybî qaçaxçîtî yenê xebetnayişîk" qantirî day verê guleyan û ê kiştî.
Bi desan qantirî hamey kiştişî. Dewletê dimay kiştişê 34 merdimanê Roboskî nawey bi desan qantirê yînan kiştî.
Go kam hesabê enî çi bido?
Qewlê pîrikey min ra va "Homa pîl o".
Vatişêke bîn esto, vanê "Homa heqê biza qola ya bi qiloçerê nêverdeno." Ez hêvî kena Homa heqê nê qantiran înan rê nêverdo.