Bruksel
Li Parlemena Ewropayê bi sernavê "Êrîşên DAIŞ'ê yê li hemberî Kobanî û bandora li ser herêmê" konferansetke li dar dikeve.
Konferans roja 4'ê vê mehê li Parlemena Ewropayê (PE) wê li dar bikeve û Hevserokê PYD'ê Salih Muslim, Seroka Koma Çep a PE'yê Gabriele Zimmer, mebûsê Keskan Bart Staes û ji Kongreya Neteweyî ya Kurdistanê (KNK) Adem Uzun dê beşdar bibin.
Moderatoriya konferansê dê endama Koma Çep mebûs Marie-Christine Vergiat bikem. Li ser "Çima Kobanî?" dê mebûsa Keskan Bodil Ceballos, li ser "Li herêmê hêzên navneteweyî û rola Tirkiyeyê" dê ji Zanîngeha Susseksê akademîsyen Kamran Matîn û li ser mijara "Encamên şerê li Kobanî ji bo herêmê û Ewropayê" jî mebûsek ji PE'yê biaxive.
Her wiha Hevserokê PYD'ê Salih Muslim dê li ser rewşa dawî ya Kobanî biaxive. Konferans saet di navbera 15.00 - 18.30 de li dar bikeve.