SILÊMANÎ
Serekê Giştî yê Tevgera Goran a Herêma Federal a Başûrê Kurdistanê Nêşîrwan Mistefa îlankirina her sê Rêveberiyên Rojavayê Kurdistanê Cizîr, Kobanê û Efrînê li gelê Rojava pîroz kir. Her wiha Tevgerê piştgiriya xwe da Rêveberiyê.
Şandeke ji Tevgera Goran a Herêma Federal a Başûrê Kurdistanê ji bo îlankirina her sê Rêveberiyên Rojavayê Kurdistanê li gelê Rojava pîroz bike, serdana buroya Partiya Yekîtiya Demokratîk (PYD) a bajarê Silêmaniyê kir.
Di şandeyê de berpirsiyarê têkliyên siyasî ya Tevgera Goran Dr. Mihemed Hacî û endamên buroya têkliyên siyasî Saza Ebdullah, Mecîd Salih û Hawjîn Reûf cih digirtin.
Şandeyê peyamek ji Serekê Giştî yê Tevgera Goran a Herêma Federal a Başûrê Kurdistanê Nêşîrwan Mistefa radestî buroya PYD’ê kir. Di peyamê de Mistefa îlankirina her sê Rêveberiyên Rojavayê Kurdistanê Cizîrê, Kobanê û Efrînê li gelê Rojava pîroz kir.
Her wiha çend roj berê li ser navê YNK'ê Mele Bextiyarî jî rêveberiya Rojava pîroz kiribû.
ANHA