Diyarname
Li bakur tekane rojnameya rojane ya bi kurdî Azadiya Welat, 6'emîn salvegera xwe ya bûyîna rojanebûnê pîroz kir. Di şahiyê de rojnamegerên hepiskirî û xebatkarên çapemeniya azad hatin bibîranîn. Her wiha ji bo xwedîlêderketina ziman bang hate kirin.

Rojnameya Azadiya Welat ku di sala 1996'an de wekî heftane dest bi weşana xwe kiribû di 15'ê gelawêja 2006'an de wekî rojnameya rojane dest bi weşanê kir. Ji bo salvegera rojnameyê li Sumerparka Amedê şahiyeke hate li dar xistin. Mebûsa BDP'ê ya Amedê Nursel Aydogun, Hevseroka BDP'a Amedê Zubeyde Zumrut, xebatkarên DÎHA, Gun TV, Şîrketa Belavkariya Firatê, endamên sendîkayan û saziyên sivîl di şahiyê de amade bûn. Her wiha Vedat Kurşun û Ozan Kiliç ku kurtedemek berê ji girtîgehê hatibûn berdan jî di şevê de amade bûn.

Di axaftina destpêkê ya şevê de Vedat Kurşun axivî. Pişte berdevê TZPKurdî Mehmet Şahin û mebûsa Amedê Nursel Aydogan jî axivîn.

Di şeva Koma Şitar bi erbane, Koma Hivron û Koma Dengê Jinên Azad jî bi stranên xwe reng da şevê. Her wiha dengbêjên Amedê jî bi kilamên xwe di çalakiyê de cih girtin.

Em jî li ser navê Diyarnameyê salvegera Azadiya Welat pîroz dikin û hêviya temeneke dûdirêj dikin.