Diyarname

Dadgeha Federal a Iraqê biryara hilweşandina encumenên parêzgehên Herêma Kurdistanê da. Dadgehê dibêje encumenên parêzgeha Herêma Kurdistanê ev pênc sal in bê sebeb meaşê digirin û divê vî meaşî li xezîneya dewletê vegerînin. Çima, çawa bû? Va ne agahî:

- Li hemû parêzgehên Iraqê divê çar salan carek hilbijartinên encumenên parêzgehan li dar bikevin. Li Herêma Kurdistana Federe di 30'ê avrêla 2014'an de 

hilbijartin li dar ket. Serok û endamên encumenan di 23'yê pûşpera 2014'an de sond xwarin û dest û dest bi xebatê kirin. 

- Li gor zagonê di sala 2018'an de divê hilbijartina parêzgehan çêbiba, lê hilbijartin çênekirin. Partiyên siyasî yên li Herêma Kurdistanê li hev nekirin.

- Parlemana Herêma Kurdistana Federe ji dêvla rêya hilbijartinê bide ber partiyan, di sala 2019'an de zagona encumenên parêzgehê guhart. 3 xal hatin guhartin û bi vî awayî wan karê xwe domand.

- Û niha: Dadgeha Federal a Iraqê dibêje we hilbijartin çênekiriye, peywira we temam bûye, ev 4 sal in bê sebeb hûn meaşê digirin û vî meaşî bi paş ve bişînin.

Niha dê çawa kes nizane lê dadgehê biryar ragihandiye wan.