Diyarname

Pirtûka “Îran Xanim: Hawarek Ji Ûrmiyeyê” ji aliyê Sayîme Xakpûr ve hatiye nivîsandin. Pirtûk çîroka Îran Xanimê ku di dîroka dengbêjiyê de cihek girîng digire pêşkêş dike.

Îran Xan kî ye? Çi kiriye? Çima navdar e? Pirtûk dikeve dû pirsên bi vî rengî û xwendevanan dibe sedsala 20’î.

Îran Xan yan jî Îran Xanim, di sala 1951’ê de li gundê Îçkeso, navçeya Somabira Dostê, ku li ser bajarê Ûrmiyeyê ye ji dayîk bûye. Ev jina kurd a hunermend di dîroka dengbêjiyê de cihekî taybet girtiye. Vê jina berxwedêr û serhildêr, dema ku çi jinekê mafê xwe nedizanî li hember mêrên temen mezin dengê xwe derxîne, dengê dilê xwe û qêrîna ku ji kûrahiya dilê wê derdiket, dikire stran û dengê wê li her derê Kurdistanê belav dibû. Ew yekem jina dengbêj e ku di radyoya Ûrmiyê de dengê wê hatiye qeydkirin û arşîvkirin. 

Bi vê xebata Sayîme Xakpûr, bi rêya neqilkirina jiyana hunermendeke kurd, derd û xem, xweşî û hêsir, ken û girî, gazinc û gilî û hewar û qêrînin komek mirovan tê ragihandin. Carina jî hest û hizirên nivîskar jî tevlî ax û nalînên neqilkara pirtûkê Gulistana keça Îran Xanê dibin û ta ku meriv difikire: 

Amadekara pirûkê Sayîme Xakpûr di sala 1983’an de li bajarê Ûrmiyeyêyê hatiye dinê. Li Zanîngehê, Wêje û Edebiyata Zimanên Tirkî û Farisî qedandiye. Heta niha wê hin pirtûk wergerandine. Di heman demê de ew kurteçîrokan jî dinivîse. Kurteçîroka wê ya bi navê “Qêrîna Dilê Evîndarên Koranê”, di festîvala bajarê Laheya Hollandayê de xelata kurteçîrokan a sala 2021’ê wergirtiye.

Xebatên Sayîme Xakpûr:

- 99 Morîkên Belavbûyî / Helîm Yûsiv / Wergera ji bo farisî Sayîme Xakpûr / Weşanên Afraz / Tehran 2020.

- Firîna Bi Baskên Şikestî / Helîm Yûsiv / Wergera ji bo farisî Sayîme Xakpûr / Weşanên Afraz / Tehran 2020.

- Qêrîna Sedsalekê Karapetê Xaço / Salihê Kevirbirî / Wergera ji bo farisî Sayîme Xakpûr / Bîjenyurd, Xorasan 2020.

- Hawara Bilûrê / Ûsivê Hemîd / Wergera ji bo farisî Sayîme Xakpûr / Afraz, Tehran 2022

- Îran Xanim, Hawarek ji Ûrmiyeyê / Sayîme Xakpûr / Weşanên Nûbihar / Portre/ 96 rûpel / Stenbol, 2023