Diyarname

Li Tirkiyeyê têkçûn her di milê teknîk dîrektoran de ye û Tirkiye bi vê yekê li Ewropayê xwedî rekoran e. Îsal jî Tirkiyeyê ev rekor teslîmê welatek din nekir.

Di Lîga Super a Tirkiyeyê de hefteya pêşiya me dê hefteya 32'yan bê lîstin. Lê di lîgê de yên ku her di nav metirsiyê de ne teknîk dîrektor in. Îsal di Lîga Super de 29 teknîk dîrektor hatine qewirandin.

Di Lîga Super de 21 tîm hene, ji wan 16 tîman teknîk dîrektor guhartin. Ji nav tîman herî zêde Kayseriyê teknîk dîrektor guhartin. Klûbê 5 teknîk dîrektor qewirandin û niha yê 6'emîn dê dest bi kar bike. Klûbê bi Bayram Bektaş dest bi lîgê kir, paşê bi rêzê Omer Faruk Mahir, Samet Aybaba, Ugur Kulaksiz (Kordînatorê tîma jêrîn), Dan Petrescu anîn ser kar. Û niha tîm teslîmê Hamza Hamzaoglu kirin. Kayserî niha di rêza 16'an de ye.

Li Tirkiyeyê îsal bi temamî 29 teknîk dîrektor guherîn lê li EWropayê rewş ne wisa ye. Li 5 lîgên mezin ên Ewropayê de tenê 33 teknîk dîrektor guherine ku ev yek serê lîgê dike 6-7 teknîk dîrektor.

Piştî Tirkiyeyê Fransa tê ku di Ligue 1 de îsal 8 teknîk dîrektor guherîne.