Diyarname

Bi navê "Polîfonîk, Ji Stranên Kurdî yên Gelerî-I" pirtûkek hat çapkirin. Pirtûka ku Rohat Cebe nivîsandiye ji Weşanên Na derket.

Pirtûkên li ser polîfonîka muzîkê bi kurdî gelek kêm in. Niha yeka nû li yên heyî zêde bû ku Rohat Cebe amade kiriye.

Di pêşeka pirtûkê de hatiye gotin ku muzîka kurdî monofonîk e û wisa hatiye gotin; "Hejmara pêkhêneran yek be jî, hezar be jî, tenê yek melodî tê bihîstin. Ev avaniya otantîk a muzîka kurdî ye. 'Polîfonîk, Ji Stranên Kurdî yên Gelêrî-I', stranên gelêrî yên kurdî ku wekî monofonîk têne gotin ji bo koroyê wekî polîfonîk hatiye amadekirin, ku bi vî rengî muzîka kurdî ya kevneşopî veguherandiye forma muzîka gerdûnî ya rojavayî, armanc dike ku bibe alîkar ji bo sazkirina muzîka kurdî di qada navneteweyî de."

Di pirtûkê de li ser stranên gelîrî yên wekî 'Awa hat û awa çû', 'Batmane Batmane', 'Eman Eman Koçerê', 'Ez Xelef im', 'Hoy Narê', 'Hoy Nermê', 'Osmo Pîyê Keynano', 'Şêrîna Min', 'Sîpanê" hatine xebitîn û ew hatine pêşkêş kirin.

Rohat Cebe kî ye?

Nivîskarê pirtûkê Rohat Cebe di sala 1978'an de li Amedê hatiye dinê. Di sala 2002'yan de Zanîngeha Bîlkentê bi rûmeta bilind temam kiriye û di ecnama ezmûnên ku li Almanyayê beşdar bûye de ji bo beşa Akademiya Muzîkê ya Detmold ya "Hoch Schule Fur Musik Dermold" wekî xwendekarê beskerarê alman Prof. Dr. Martin Christop Redel hatiye qebûlkirin. Piştî perwerdehiya du salan vegeriyaya Bîlkenê û li wir xebatên masterê kiriye. Cebe niha li Zanîngeha Batmanê, Fakulteya Hunerên Bedew, di Beşa Muzîkê de dixebite û wekî Doç. Dr. Serokatiya Beşa Muzîkolojiyî jî bi rê ve dibe. Berhemên wî li welatên wekî Almanya, Avusturya, Azerbaycan, DYA û Kanadayê têne jenandin.

-  Polîfonîk, Ji Stranên Kurdî yên Gelerî-I / Rohat Cebe/ Weşanên Na / 2020 / 82 rûpel