Diyarname

Ji bo serdema Lîga Super a Tirkiyeyê vê êvarê li Rîvaya Stenbolê pişke hat kişandin. Di hefteya pêşî de derbiyek heye: Maça Trabzon û Beşîktaşê.

Di Lîga Super a Tirkiyeyê de ji ber par bi biryara TFF'ê (Federasyona Fûtbolê ya Tirkiyeyê) biryar hat girtin ku tu lîg ji Super Lîgê daneketin, sê tîm ji Lîga 1'emîn hatin, bi temamî 21 tîm çêbûn.

Ji bo van 21 tîman pişke hat kişandin û hefteya yekemîn wisa çêbû:

- Ankaragucu - BB Erzurum

- Sivas - Alanya

- Kayserî - Fenerbahçe (FB)

- Hatay - Başakşehir

- Galatasaray (GS) - Gazîantep

- Fatih Karagumruk - Malatya

- Goztepe - Denizli

- Trabzon (TS) - Beşîktaş (BJK)

- Antalya - Gençlerbirligî

Ji ber 21 tîm in her hefte tîmek dê nelîze. Hefteya pêşiya me Konya nalîze.

Di lîgê de maçên herî zêde têne meraqkirin maçên derbiyan in. Li gor pişkeyê di hefteya yekem de TS - BJK hene. Paşê di hefteya 3'yan de GS - FB, hefteya 7'an de FB - TS, hefteya 10'an FB - BJK, hefteya 14'an FB - BJK, hefteya 15'an TS - GS û hefteya 16'an jî BJK û GS dê bi hev re bilîzin.

Ji bilî van agahiyan xelek girîng heye: Biryar hat girtin ku di nava hefteyê de maç bêne lîstin. Li lîgên Ewropayê ev hebû lê yê Tirkiyeyê yekemîn car tiştek wisa çêdibe.

Her wiha TFF'ê biryar girtiye ku di nava meha kewçêrê de temaşevan herin maçan lê ne hemû stad, beşek jê bê vekirin.