Qamişlo
Li rojavayê Kurdistanê ji bo ku yekîtiya kurdan bê avakirin 25 partî û tevgerên siyasî di bin banê "Partiyên Yekîtiya Niştimanî ya Kurd" (PYNK) hatin ba hev. PYNK ji bo yekîtiya kurdan dê bixebite.
Piştî avakirina PYNK'ê daxuyanî hat belavkirin û wisa hat gotin, “Dê bi navê "Partiyên Yekîtiya Niştimanî ya Kurd" çalakiyên hevbeş werin lidarxistin da ku pêşketinên heyî yên derbarê yekîtiya kurdan de bişopîne, desteyek dê nûneriya van çalakiyan bike.”
Di daxuyaniyê de bal kişandin ser rewşa Sûriyeyê û wisa dom kiri: "Ji ber giringîya hevdîtinên di navbera partîyên siyasî û hêzên kurdî de û ji bo biserxistina destpêşxerîya Fermandarê Giştî yê Hêzên Sûrîyaya Demokratîk (QSD) a der barê yekrêzîya kurdan û yekirina helwesta siyasî ya kurdî li rojavayê Kurdiatnê de, me partiyên siyasî yên Rêveberîya Xweser a Demokratîk û hin partiyên li derveyî Rêveberîyê roja 18.05.2020'an civînek li Qamişloyê li dar xist û ev biryar girtin:
- Li jêr navê "Partiyên Yekîtiya Niştimanî ya Kurd", em ê xebatên hevbeş bimeşînin û pêşveçûnên heyî yên der barê yekrêzîya kurdî de bişopînin ku karê şopandinê jî dê bikeve ser milên nûnertîyeke me ya nûavakirî.
- Me logoyek ji bo Partiyên Yekîtiya Niştimanî ya Kurd bijart.
- Wê bi berdewamî civînên nûnerên van partîyan bên lidarxistin da ku nêrînên cuda yên der barê pêşveçûn û bûyerên nû de bên raberkirin û nîqaşkirin.
- Partî û rêxistininên di bin banê "Partiyên Yekîtiya Niştimanî ya Kurd" de cih girtine ev in:
- Parîtya Aştîya Demoqrat a Kurdistanê
- Partîya Yekîtîya Demokratîk (PYD)
- Kongreya Star
- Partîya Demoqrat a Kurdî ya Sûrî (P.D.K.S)
- Partîya Kesk a Kurdistanê
- Partîya Çep a Demokrat a Kurd li Sûrîyê
- Partîya Çep a Kurd li Sûrîyê
- Partîya Lîberal a Kurdistanê
- Partîya Biratî ya Kurdistanê (PBK)
- Partîya Niştimanî ya Kurdî li Sûrîyê
- Partîya Guhertina Demoqrat a Kurdistanê
- Tevgera Nûjen a Kurdistanê-Sûrîya
- Partîya Têkoşîna Demokrat
- Partîya Azadî ya Kurdistanî ya Azad
- Partîya Yekîtîya Niştimanî ya Azad-Rojava
- Partîya Komarî ya Kurdistanî-Sûrîya
- Tevgera Çaksazîyê-Sûrîya
- Partîya Komunîst a Kurdistanê (KKP)
- Partiya Roj a Demokratîk li Sûriyê
- Şepêla Pêşeroj a Kurdistanê
- Partî Demuqratî Kurdistanî-Sûrî
- Yekîtîya Karkerên Kurdistanê (YKK)
- Partîya Kombûna Niştimanî ya Kurdistanî
- Partîya Rêkeftina Demokrat a Kurdî li Sûrîyê
- Partîya Demuqrat a Kurd li Sûrî (Partî)