Diyarname

Fûara Pirtûkan a Stenbolê ku ji aliyê TUYAP'ê ve tê organîzekirin îsal dê di navbera 2-10'ê sermawezê de li dar bikeve. Niha Mêvanê Rûmetê û mijara bingehîn a fûarê hat eşkere kirin.

Li gor daxuyaniya amadekarên fûarê îsal nivîskar Adnan Ozyalçiner wekî "Mêvanê Rûmetê" ya 38'emîn Fûara Pirtûkan a Stenbolê hatiye diyarkirin. Di vê çarçoveyê de li ser jiyan û berhemên wî hin çalakî, panel û gotûbêj li dar bikevin ku ew jî dê beşdarî hinan bibe.

Ozyalçiner kî ye? 

Adnan Ozyalçiner ku niha pirtûkên wî ji Weşanên Kor derdikevin di sala 1934'an de li Stenbolê hatiye dinê. Ew kesekî çepgir e, di vî warî de jî wî gelek ked daye.

Ozyalçiner ku yek ji girîngtirîn çîroknivîskarê tirk e jiyana xwe bi nivîsê debas kiriye. Ew endamê TYS (Sendîkaya Nivîskarên Tirkiyeyê), Komeleya Nivîskarên PEN'ê, Komeleya Ziman, Komeleya Wêjevanan û endamê TGC'yê (Cemiyeta Rojnamegerên Tirkiyeyê) ye. 

Heta niha di warê çîrok, ceribandin-lêkolîn, roman, pirtûkên zarokan, antolojî, bîyografî, wergerê de bi dehan pirtûkên wî derketine. Her wiha wî bi xebatên xwe li Tirkiyeyê gelek xelat jî girtine.

Nifşê 50'yan

Mijara bingehîn a fûatê jî wekî "Di wêjeya me de nifşê 50'yan" hatiye diyarkirin. Di vê çarçoveyê de dê li ser "Di sînemaya me de nifşê 50'yan" (di bin rêberiya Arif Keskîner), "Di şanoya me de nifşê 50'yan", (di bin rêberiya Zeynep Oral de), “Kovarê nifşê 50'yan” (di bin rêberiya Metin Celal de), "Di weşangerî de nifşê 50'yan" (Di bin rêberiya Fahri Aral de), "Di helbesta me de nifşê 50'yan" (di bin rêberiya Cevat Çapan de), "Di çîroknivîsî de  nifşê 50'yan" (di bin rêberiya Dogan Hizlan de), "Di wêjeya me de nifşê 50'yan" (di bin rêberiya  Selim İleri de) panel û gotûbêj li dar bikevin û bi awayekî giştî nifşê 50'yan a Tirkiyeyê bê nîqaşkirin.

800 weşanxane û saziyên sivîl

Îsal jî wekî salên din li dor 800 weşanxane û saziyên sivîl beşdarî fûarê bibin, standan vekir. Her wiha îmzekirina pirtûkan, lidarxistina panel, gotûbêje, atolyeyên zarokan jî beşên din in ku dê li dar bikevin.

 ***

  
Ji bo vexwendnameyan malpera ku hûn serî lê bidin: http://www.davetiyeonline.net/
Bi sedan cureyên vexwendnameyan li benda we ne. 
Bi her zimanî em dikarin ji bo we vexwendnameyan amade bikin.
Navnîşan:

Yıldıztabya Alibeyköy Cad.No: 156, Alibeyköy Eyüp-İstanbul, Telefon:  0212 -6266455, info@davetiyeonline.net