Diyarname

Îro 701'emîn hefteya rûniştina Dayikên Şemiyê bû. Hefteya çûyî polîsan nehiştibûn ew li ber Lîseya Galatabaray a li Beyogluya Stenbolê rûnin û gelek kes girtibûn bin çavan. Îro berî çalakî dest pê bike polîsan kuçe û kolan girtin û carek din nehiştin dayik herin çalakiyê li dar bixin. 

Dayikên Şemiyê ku ji ÎHD'Ya Stenbolê derketin û heta ser kuçeyê hatin (Buyuk Parmak Kapi Sokak) rê li ber wan hatibû girtin. Dayikên Şemiyê ligel mebûsên HDP û CHP'ê li wir çalakiya rûniştinê pêk anîn. Dayik ku her hefte navê kesek hatiye windakirin dixwînin, vê hefteyê navê Mehmet Ertak xwendin, qala binçavkirina wî kirin û aqûbeta wî pirsîn.

Li Amedê jî Dayikên Şemiyê li ber abîdeyê rûdiniştin û yê wan jî 498 hefte bû çalakî dom dikir, lê îro Walîtiya Amedê nameyek ji ÎHD'ya Amedê re şand û ragihand ku wan hemû çalakî qedexe kirine.

Ger em bên ser wêneyê rojê, ev wêne ji Stenbolê hat ku girtina kolanan nîşan dide. Em vê wêneyê wekÎ wêneyê rojê hildibijêrin û pêşkêş dikin.
Foto ji MA'yê hatiye girtin