Diyarname
Federasyonê Fûtbolî yê Nîjerya vat ke 3 mîlyonî sîparîşê formay yînan dayê. Hezkerdoxanê tîmê Nîjerya verê mexazey Nike ê Londonê Îngilistanî de kewtî dewrey ke forma bigîrê. Dewrey ke derve viraziya.
Nike formay bi 65 sterlîn (dewrê 90 dolar) rotî û çawey formay web sitey xo de vetî rotiş cade qediyay.
Mengey diyinan a emsarî de danasnayişê forman hame viraştiş, keykerdoxê Arselanî Aleks Ivobi û kaykerdoxê Leicester City Wilfried Ndidi jî miyanê xebatey danasnayişî de hedrey bî.
Nîjerya rocê şeme (9'ê menge) go Stadê Wembley de tîmê neteweyî yê Îngilistanîdir maçêke kay bikero. Ene maçe de go tîmê Nîjerya formayanê neweyan bidê xora.
Tîmê neteweyî yê Nîjerya jî di miyanê Tûrnûvay Kûpay Cîhanî de wo. Tîm di Koma D wo û reqîbê cê Arjantîn, Hirvatistan û Îzlanda wo.