Diyarname
Festîvaley Fîlman a Miyandewletî San Sebastian xelatey kariyerî da lîstikvaney îtalî Manica Belluci.
Festîvaley Fîlman a Miyandewletî San Sebastian a 65'inan 22'yê ene aşme dest pa kerd û heta 30'ê aşme dewam kerde. Serey 1986 ra nat xelatey kariyerî bi namey "Donostia" yena dayişî. Bellucci ke qeybî xelate hamî Spanya vat de a zehf bi heyecan a. Bellucci ana vat: "Verî heme çî ez sipasî heme derhêneran ke ez înandir xebetiyawa kena. Ez heme dinya geryrawa û min çandê tewir tewirî vînay. Ez karêke kena ke tede tecrubey merdimî zehf o û bi sayey karê xo min şexsiyetê xo kerd dewlemend. Fîlmê ke mi tede kay kerdî henî bi ser kewtî, henî nêresay ê serkewtinî û heme qeybî mi bî tecrubey pîlî. Egir ez beşkî ageyrî zemanê verî ez go reyna eynî fîlman kay bikerî çimkî ez heme fîlman çî mûsawa."
Monica Bellucci ya 52 serî va ke hezkerdişê min ê sînema eynî zey roco verînon o û ana dewam kerd: "Bawerî awa ke hema jî zehf çiyê ez bimûsî estê. Enka planê min çinêbê jî saranê vernî de ez wazera ceribandinê sazkerdişê fîlm, niştişê senaryo û derhênerî bikerî."
Fîlmê derhêner Giuseppe Tornatore "Malena" ke serey 2000'î de hamebî viraştiş û Bellucci serlîstikvanî cê kerdbî di çarçovey festîvale de hame motrayişî.