Diyarname
Kompaniya Playboy daxuyanîke kerde vila û vat ke afirînerê Playboy Hugh Hefner rocê 28'ê menge kê xo de merd. Hugh Hefner 91 sere bî.
Hefner di serey 1953 de metbexey xo de dest bi hedrekerdişê kovarey Playboy kerd û dimara kovare her ke şî zêdetir hamî rotişî. Kovarey mêrdan Playboy wexto dinya de resa tewr jor her humare tam 7 mîlyon hebî rotêne.
Lacê Hugh Hefner ê bi namey Cooper Hefner vat ke go zehf merdimî çinêbiyayişê babê ê hîs bikerê. Cooper Hefner vat bavê cê rêberê çapemenî bî û ard ziman ke babê ê parêzvanê azadiyey ramanî, mafê sivîl û azadiya têkiliyê cinsî bî.
Kompanî Hefnerî wexto kovare zehf hamî rotişî verê xo da sazkerdişê night klub û qumanxaneyan û di eno war de jî bî serdest.
Hefner her game bi pîcemayên xo yê îpekîn poz dayne kamera û makîneyan fotografan; yê bi jiyaney xo ya hedonîst name nabî. Ew di malîkaneyên xo de bi modelanê playboydir bî, bi înan dir zeweciya û di malîkaney xo ya lukse de şahiyê pîlî viraştêne.
Heniyan îdîa kerdêne ke Hefner hezarî zêdetir pîrekedir kewto ra.
Hefner di 9'ê nîsanê 1926'inan de Şikagoy Amerîka de hamew dinya. Di seranê 1944-46 de di rojnameyke leşkerî ya artêşey Amerîka de niştoxî kerdo. Dimara Di zanîngehe de beşey psîkolojî, nixtoriya jîrek û huner wend. Hefner di serey 1952 di koverey Esquire de dest bi niştoxî kerd, di menga joyîney 1952 de semedo miaşê ê zem nêkerd ewca ra veciya û 1953 de dest bi vetişê Playboy kerd.
Hefner, di Goristanê Westwood Village Memorial Park, verê gorê Marilyn Monroe de gorêke veng girot bî û waşt bî wexto bimro ewca bêro definkerdiş.
Hugh Hefner bi vatişê "Wexto şima bimirê îhtîmal esto şima şorê cinet, la ez enka ke jiyanedewa di cinet de wa."