Li Şîliyê hesabpirsîna windabûnên di dema derbeyê de didome. Dadgeh wisa got: "Li baregeha leşkerî de kî berpirs hebe ew hedefa me ye."

Cuntaya di bin pêşengiya General Augusto Pinochet de di navbera salên 1973 û 1990'î de bi hezaran muxalif û sivîl girtin bin çavan, îşkence bi wan kir û ew kuştin. Teşkîlana Pinochet bi navê DÎNA wê demê ji 3 hezar kesî zêdetir mirov winda kirin yan jî kuştin.
Dozgerên li Şîlî ku ev çend sal in hesabê wê demê ji derbekaran dipirse, vê lêpirsîna xwe niha kûrtir dike. Dozger Victor Montiglio li ser endamên kevn ên DÎNA'yê biryara muzakereya tewqifkirina wan da.b

Li gor biryara nû subayên malnişîn, endamên hêzên hewa, behr û endamên teşkîlata polîsan ên ku heta niha nehatine darizandin, qet dernexistine dadgehê dê bêne darizandin.

Par der barê 100 rêveberên wê demê de biryara girtinê hatibû derxistin. Dadger ji bo radyoya Caooperatiava axivî û wisa got: "Wê demê di baregehê de kî hebû, kî bûye sedema vê yekê em wan digirin bin lêpirsînê. Em nêzî encama dawî bûne."

Dadgeh Victor Montiglio di sala 2006'an de ji dêvla dadger Juan Guzman hat ser kar. Guzman ku di sala 1998'an de lêpirsîn dabûdest pê kirin, wê demê gotinên bi nakokî derketibûn holê, nîqaşên cihê mora xwe li serdemê dabûn û wisa bûbû ku her pêşî li derketina biryarekê digirtin.

Dîktator Pinochet di sala 2006'an de digel ku doz vebûbû jî her xwe ji dozê dûr girtibû û bêyî ku bê darizandin di 91 saliya xwe de li nexweşxaneyeke leşker3 iya li Santiagoyê miribû. Pinochet hemû berpirsiya serdema rejima xwe qebûl kiribû lê ji ber êşên ku hatibûn kişandin qet lêborîn nexwestibû. Û bi vî awayî jî mir.