18.00
Nasnameya kesên hatine kuştin
Ji 39 kesên hatine kuştin 11 jê hemwelatiyên Tirkiyeyê, 24 biyanî û 4 kes jî hê nasnameyên wan diyar nebûye. Ji biyaniyan 7 kes ji Erebistana Siûdî, 2 ji Hindistan, ji Kanada, Sûriye, Lubnan, Belçîka, Îsraîlê her yek kesek, ji Iraqê jî 4 kes hene.
Ji yên mirine 25 mêr, 14 jin in.
Navên diyar bûn
Di bûyerê de kesên hatin kuştin û navên wan diyar bûn ev in: Burak Yildiz (Polîs), Fatih Çakmak, Yunus Gormek, Hatice Karcilar, Bahadir Çakir, Ayhan Arik, Mustafa Jalal Abbas, Mustafa Kaya, Baran Cemal, Mustafa Barin, Kenan Kutluk, Ahmed Saud Alfadul, Muhammed Saud Alfadul, Hatice Aslandogu, Mustafa Seymen, Hatice Uyar, Ahmed Raad (Iraq), Ahmed İsam, Basma Abourazaq
Lubnanê daxuyanî da
Ji Lubnaniyên mirine yek jî Îlyas Vardînî ye. Wezareta Karên Derve ya Lubnanê got ku di nav kesên birîndar bûne de keça mebûs Estefan Doveyhi Buşra Duveyhi, Francois Esmar, Nidal Bişravî û Melisa Papalord hene.
7 deqe li hundir maye
Kujer saet 1.15'an de ketiye Reianeyê û 1.22'yan de derketiye. Di 7 deqîqeyan de gule bera 700 kesê li hundir daye. Ji CNN Turkê Hakan Tunç ragihand ku kujer berî bikeve hundir şerjorek vala kiriye, polîsê li ber derî kuştiye, gule bera ewlekarê ber derî daye û ketiye hundir.
09.00
Di nav kesên hatine kuştin de heta niha yên ku nasname diyar bûye 15 jê biyanî ne.
Xwediyê Reinayê Mehmet Koçaraslan ji bo Hurriyetê axiviye: "Bêşerefan bi kalaşnîkofan êrîş kiriye. Îstîxbarata Amerîka agahiya vê dabû. Bi qasî hefteyek 10 rojan nav behrê jî têde ewlehî hate girtin . Paşê çi bû? Ev êrîş wisa gav bi gav hat." Nûçegihanê Hurriyetê radigihîne ku Koçaraslan bi girîng bi zor diaxivî .
08.00
Li gor agahiyên vê sibê hejmara 39 kes hatine kuştin. 69 birîndar hene ku 4 jê xidar giran in.
03.18
Waliyê Stenbolê Vasip Şahin li ber Reinayê agahî da çapemenî û got: Yek jê polîs mixabin 35 kes mirine.
Her ku diçe hejmara miriyan zêde dibe.
01.30
Îşev hin kesên çekdar bi çekên lûledirêj êrîşê klûba şahiyan Reina ku li Ortakoya Beşîktaşa Stenbolê ye kirin. Gelek birîndar hene. Tê gotin ku gelek kes mirine.
Reina klûbek e ku bi taybetî dewlemend, kesên navdar diçin wir û şeva xwe di nav şahiyê de derbas dikin. Îşev jî şahiya sersalê hebû. Saet li dor 01.15'an kesên çekdar (tê gotin ku du kes in) ketine hundir û kesên li hundir dane ber guleyan. Êrîşkaran kincên Bav Noel li xwe kiribûn û bi vî awayî ketine hundir.
Bi dehan ambûlans şandin cem bûyerê; birîndaran radikin nexweşxaneyên derdorê. Dema êrîş hat kirin li hundir li dor 700 - 800 kesî hebû. Li gor nûçeya DHA'yê hin şahidan gotiye ku êrîşkaran bi erebî xeber daye.