Diyarname
Li Tirkiyeyê Weqfa Umut (Hêvî) bi diruşma "Ji çekdariya kesan re na" ketiye rê. Weqif niha pêşbaziyeke li dar dixe.

Weqif ji bo ku kes xwe ji çekan dûr bigirin, sivîl çekan bi ser xwe negerînin, bibin bê çek kar dike. Ew di vê fikrê de ye ku dema kes dibin xwedî çekan li nav civakê şîdet zêde dibe, bi aştiya du kesan j3i aştî her diçe ber bi hemû civakê ve dize. Weqif niha ji bo bêçekiyê pêşbaziyeke li dar dixe. Pêşbazî di çarçoveya "Weqfa Umutê, 28'ê Rezberê Roja Bêzekbûna Kesan" hatiye li dar xistin. Kesên bixwazin bi berhemên xwe beşdarî pêşbaziyê bibin divê heta 2'ê rezbera 2009'an berhemên xwe bişînin ber destê amadekaran.
Berhemên ku beşdarî pêşbaziyê bibin dê di du waran de b3ene nirxandin û di beşa yekemîn, duyemîn û sêyemîn de xelat bên edayîn.
Pêşbazî di warê fotografê reş-sipî û û fotografê rengîn de têne li dar xistin. Ji bo yekemîn 2 hezar, yê duyemîn hezar û 500 û ji bo sêyemîn jî hezar TL wekî xelat hatiye danîn. Ji bilî xelata pereyan dê plaket jî bê dayîn.

Lijneya Hilbijêran a Pêşbaziyê ji van kesan pêk tê:
"Merih Akogul (Hunermendê Fotografan, nivîskar), Coşkun Aral (Hunermendê Fotografan), Ayhan Aydin (Hunermendê Fotografan, endamê ÎFSAK'ê, Hîndekarê MSGU ), Haluk Çobanoglu (Fotografkarê Belgefîlman, Hîndekarê Zanîngeha Bahçeşehir), Nazire Dedeman (Seroka Sazkar a Weqfa Umutê), Nadir Ede (Hîndekarê Hunerên Bedew ê Zanîngeha Işikê, Edîtorê Fotopya), Nail Gureli (Endamê Rûmetê yê Weqfa Umutê, Nivîskarê Milliyetê), Îzzet Keribar (E.fiap), Nurçay Turkoglu (Hîndekara Zanîngeha Marmarayê".