Diyarname
Karsaz kurd Halis Toprak li bajarê Nice yê Fransayê di encama qeyrana dil de îro wefat kir. Cenazeyê Toprak dê îro bînin Tirkiyeyê. Malbat dê li nav xwe biryarê bide ku li ku derê cenazeyê veşêrin.

Halis Toprak di sala 1938'an de li Licêya Amedê hatibû dinê û xwediyê Toprak Holdîngê bû. Holdinga Toprak seramîk, kaxiz, derman û xurek jî di nav de nêzî 30 waran de hilberîn dikir. Piştî AKP hatibû ser kar, hikumeta AKP'ê dest danîbû ser hin malên wî û ew teslîmê TMSF'ê kiribûn. Her çiqas Toprak paşê doz vekir û ev mesele bir ber deriyê dadgehê jî bi vî awayî gelek malê wî bi vî awayî bi avê de çû. 
Toprak li Licê jî hin fabrike ava kiribûn û di jiyana xwe de ne bi têra xwe be jî hinek sûdeya wî gihîştibû licêyiyan.

Ji hin fabrîkeyên wî, mînak fabrîkeya rûn û yêma sewalan a li Licê piştî TSMF'ê dest danîn ser hin malên Toprak ev fabrîke rawestiyan. Toprak ku dixwest li Licê ligel nexweşxaneyê, tesîsên ku dê têne cihên perwerdehî û çalakiyên civakî hebin ji ber vê meseleyê sekinîbûn. Li Licê nexweşnaya bi navê Nexweşxaneya Navçeyê ya Weqfa Halis Toprak a Licê hê jî li navçeyê kar dixe.

Her wiha Hikumetê dest danîbû ser bankeya wî Toprak Bankê jî.