Endama Polît Buroya YNK’ê Hîro Xan, serketina HDP’ê ya di hilbijartinên 1’ê sermawezê bi dest xistî, pîroz kir.
Endama Polît Buroya YNK’ê û hevsera Celal Talabanî Hîro Xan peyama xwe ya pîrozbahiyê ku bi gotina ‘Silavak gerim’ destpê kir, wiha got:
“Ji ber HDP cara duyemîn benda ji sedî 10 derbas kir, her wiha wekî partiya sêyemîn derbasî parlamentoya Tirkiyeyê bû, bi serê xwe serketineke mezin e û ez ji dil wan pîroz dikim. Her wiha bi vê peyama xwe ez hemû gelê bakurê Kurdistanê jî silav dikim. Hemû dinya vê serketina li bakurê Kurdistanê dibîne. Di nava atmosfera şer, her wiha şert û mercên ne normal de ev encam bidest xist. Îro roja serketina azadî, aştî û demokrasiyê ye. Ez hêvî dikim ku wê li ser van encamên hatine girtin, pêvajoya çareseriyê ber bi pêş de biçe û wê bibe xala gelê me yê bakurê Kurdistanê di doza daxwazên mafê neteweyî de bigehe encamekê. Ez ji bo wan serketinê dixwazim.”
**
Beşek ji Nûçeyên Hilbijartinê:
- Tu şîrketek anketê encam nizanî û hinan lêborîn xwest
- Vane mebûsên ku HDP'ê bi dest xistin (bajar bi bajar)
- Licê dîsa bû yekemîn, navçeyên din li dû ne
- Demîrtaş: Bila kes netirse, em hene
- Encamên dengên derveyî Tirkiyeyê hatin
- HDP: Berî qedexe rabe qet encaman belav nekin!
- DBP: Îşev tu pîrozbahî nîn e, xwedî li sindoqan derên
- Heyeta PE'yê: Li dinyayê dîmenek wisa nîn e