Enqere

Polîsên dewleta Tirkiyeyê îro bi ser Navenda Giştî ya Egîtîm-Senê de girt û bi saetan lêgerîn kir. Polîsan îdîa kir ku birîndarên ji Kobanî hatine li vê derê ne, loma bi ser de girtine.

Polîsên TEM'ê (Komên Têkoşîna bi Terorê re) çûn Navenda Egîtîm-Senê û gotin ku Kobaniyên birîndar li vê derê ne. Destûra gerînê tune bû. Piştî demek din polîs careke din hatin bêyi biryara lêgerînê ji dozgerî û dadgehê bigirin bi belgeya ku ji emniyetê girtibûn ketin avahiyê, ji odeyên rêveberên sendîkayê heta otoparka wir li her derê lêgerîn çêkirin. Rêveberên Egîtîm Senê, mebûsa HDP'ê Yurdusev Ozsokmenler, mebûsên CHP'ê hatin ber saviyê lê polîsan nehiştin ew bikevin hundir. Piştî lêgerînê 12 kes hatin binçavkirin ku gotin ku ew ji Kobanî hatine. Ji kesên hatin binçavkirin çar jê bi ambulansê şandin Nexweşxaneya Nimûne ya Enqereyê.