Diyarname
Hunermendê navdar Tarkan ji Wezîrê Çandê yê Tirkiyeyê Ertugrul Gunay ji bo Heskîfê piştgirî xwest.

Li gor nûçeya rojnameya Tarafê hunermendê navdar Tarkan Tevetoglu tevî rêveberên Komeleya Xwezayê li Enqereyê çûn serdana Wezîrê Çandê yê Tirkiyeyê Ertugrul Gunay. Tarkan û endamên komeleyê CD'ya ku Tarkan û Orhan Gencebay amade kiribû û tîşorteke ku li ser "Bila Heskîf têk neçe" diyarî Gunay kirin.

Tarkan li wê derê got ku ew çûye serdana Heskîfê, bajarê dîrokî gelek tesîr li wî kiriye û wiha berdewam kir: "Dema min bihîst Heskîf li gor pîvanên mîrateya xwezayî û çandî ya UNESCO'yê ye min xwest vê hevdîtinê pêk bînim. Min xwest ji bo vê derê çi ji destê me tê em bikin û li ser vê biaxivin. Em binêrin, ez hêvî dikim emê encamên baş bi dest bixin. Emê miheqeq Heskîfê rizgar bikin."

Wezîr Ertugrul Gunay jî da zanîn ku ew ji wezîrtî wêdetir hawirparêzekî ye û got: "Xebatên li ser vê meseleyê bêne kirin ez sipasdarê wan im."

Gunay got ku ew hesasiyeta li ser Heskîfê fêm dike lê biryara dawî ya li ser vê yekê dê zanyar bidin.

Her wiha Tarkanî da zanîn ku ew hefteya pêşiya me diçin Heskîfê û ji wezîr Gunay re got; "Fermo bi me re bên" û ew vexwend Heskîfê.