MC bî þampiyon
Diyarname
Emsar hetê fûtbolî de heyecano pîl Îngilistan de bî. Heftey 38'inan, yanê heftey peyîn hamey la hema þampiyon eþkera nêbiya û eyro eþkera bî: Macnhester City (MC).
Di Premier Lîg a Îngilistanê de eyro maçê peyînî hamey kaykerdiþî. Di rêzey joyîn de MC, di rêzey diyin de Liverpool bibînî la ferqo miyanê yînan de tenî pûanêke bî. Heyecan dewam kerdê û di enî heyecanî dî MC þîbî Brighton, Liverpool kê xo de Wolverhampton kerd bî meyman. Liverpoolî bi 2-0 maçe girote la feyde nêda, çimkî lîderî bi 4-1 maçe girote û þampiyonî xo eþkera kerd.
Di peynî 38 hefteyan de MC bi 98 pûanan bî þampiyon, Liverpool bi 97 pûanan rêza diyin de mende. Chelsea kewte rêzey hîrinan, Tottenham jî di rêzey çarinan de ca girote ke enî her çar tîmî serey vernî ma de derbasê Lîgey Þampiyonan benê.
Tîmê MC di serey 1880 de bi namey "St. Mark's" hamî viraþtiþî, serey 1887 de namey xo kerd "Ardwick Association Footbal Club" û serey 1894 de namey xo kerd Manchester City. MC di seranê peyînan de, dimay ke Pep Guardiola bî teknîk dîrektor lez da xo û raver þî. Bî di rey di binê teknîk dîrektorî Pep Guordiola de bena þampiyon. Di dîrokey xo de MC çar rey biya þamyion. MC par bi 100 pûani bîbî þampiyon û rekor þikit bî.
Tirkiya de tîmê hamey û þî
Di Lîgey Super a Tirkiya de maçê heftey 32'yinan hamey kaykerdiþ. Akhîsar de hemberî Fenerbahçe bi 2-1 kerd vinî di pûanê 25'inan de mend. Di heftey mendo lîg biqediya la hêvî Akhîsarî de ke lîg de bimano nê mend û lîg ra kewt. Sera bê go Akhîsar Lîga 1'yin de kay bikero.
Lîgo 1'yin ra jî di tîmê ke go bêrê Lîga Super eþkera bî. Di enî lîgî de maçê heftey 33'an hamey kaykerdiþî û heftey vernî ma maçî qedênê. Gençlerbirligi bi 70 pûanan di rêza joyîn, Denîzlî bi 69 pûanan di rêza diyin de ca girot û wirdî heqê derbasbiyayiþê Lîgê Superî girotî. Serey vernî ma wirdî tîmî go Super Lîg de bê. Tîmo hîrin jî dimay maçanê Play-Offî go eþkera bibo.