Xwezûr û Bûke
Va merdimêke bîbî, kedkar bî. Her kar kerdêne. Dewlemend bî. Xizînay cê, bi qasî ma nêþkê bimarê heywanê cê, zehf mal û milkê cê bîbî. Tûtêkey cê jî bîbî. Tût bî pîl, hame wextê zewacî. Va ma þin cirê keynayke biwazê.
Keynayne vînay, xebere dadî û babî keynay rê þirawit, wext girot. înan xo kerd hedre û þî keyna waþte.
Dawete kerde, bûke arde keye. Dimay hîri rocan ra xwezûrî veynda bûke, a berde xizîna mote ci, dimara berd mal û milkê yînan, erdê yînan heme mot ra ci û tera pers kerd:
- Keynay mi, ka vace, ma kar nêkerin, ma eniyan borê go biqediyo ya nê?
Bûke va:
- Baba, la endêke mal û milk, xizîna qedêna?
Xwezûrî va "Temam" û geyray a keye. Bî þan. Veynda tûtê xo û va:
- Lacê mi, ene bûke marê nêbena, ay verade.
Lacî goþ þa babê xo, teyaq eyþ û a verada.
Sera aþme derbas nêbî, babî reyna þî lacê xo rê keynayke waþte. Reyna dewete kerde. Bûke arde keye. Rocê hîrinan bûke xodir berde miyanê mal û milkê xo. Mal û milk, erd, heywan, xizîna, heme çî motî ra û persa:
- Keynay mi, ma eniyan borê go biqediyo?
Bûke va:
- Baba, eno mal û milk, ene xizîna, heywanî ma qedênê? Ma bikerê pere, biriþnê jî nêqedênê.
Babî va "Temam" û geyray a keye. Bî þan, babî reyna tûtê xo ra va:
- Lacê mi, ene pîreke jî torê nêbena. Vera bide.
Lacî joy babî nêke di û fek pîrekey xora vera da.
Sera henî dem derbas bî babî þî keynayna bîne lacê xo rê waþte. Reyna daweteke kerde. Reyna sera çende rocî derbas bî û babî reyna veynda bûkey xo. Reyna a berde miyanê mal û milk, erd û zevî, nîþan da xizîna û heme çî bînî û ayra jî persa:
- Keynay mi, ti vînena zehf mal û milk, xizîna, heywan û çî ma est ê. Ma eniyan borê qedênê?
Bûke va:
- Baba, seyîn nêqedênê. Wele heme dinya ê to bo, ti kar nêkerê, rûþê borê di rojan de tu go biqedênê. Ma enî çî çi yê? Ma rûþê nêxebetiyê ma eþkenê çendeyke de borê biqedênê.
Zehf kêfê xwezûrî hamebî, tam bûkekê gorey aqilê xo ra waþte bî. Va "Temam keynay mi, hadê ma þi keye."
Þî keye, bî þan, lacê xo ra va:
- Lacê mi, temam o, ene bûke tam gorey to ra, tam gorey malbatey mara wa. Wa pîroz û bimbarek bo. Wayir ro pîrekey xo veciye, hûrmet û hezkerdiþ nîþanê ay bide.
**
Not: Ene hîkaye jo hîkay tûtîtî min bî. Extiyaran vatêne. Ma go enî hîkayan dewam bikerê.