Va 'Padîþah merd'
Wexto elektrîk hema niyamebî dew. Wexto ma hema verê lemban de jobînî vînayne, wexto pîrekan binê roþinê ê lemban de þêhrey viraþtêne, tirþî kerdêne de, dims viraþtêne, titûn kerdê qa, kar û barê miyanê keyî kerdêne; wexto hedreyî zimistanî heme di binê roþinê a lemba de bîne...
Wexto ke televîzyon çinê bî...
Erê, tam ê wextî de, ma dewrê ê hameybî pêser û ê marê hîkaye bivatêne.
Va, "vinderê ez qurtêke aw borî".
Ma vindertî, awey xo werde û va:
- Bî çinêbî, zemanêke padîþayke bîbî... Hebêke qirase bî, bejney cê eynî qasê enî kêranî bî... Zehf zengîn bî...
Tûtêke bêsebir bî vat:
- Ê, dimara?
- Roj ame ew jî merd. Mal û milk mend destê tûtanê cê de.
Tûtêke bîn ew ca ra xo eyþt meydan:
- Yanê dinya êrê jî nêmende?
- Erê wele êrê jî nêmende.
- Yanê ti vanê padîþah jî merd. Ew padîþaho to va heme çî cê bîbî? Ew o qasê kêranî derg?
- Erê wele eynî ew.
- Yanê ti vanê dinya marê jî nêmanena...
- Erê wele marê jî nêmanena.
- Eger padîþah jî bimiro kam zano ma go kînga bimrê...
Xaloy hendî hîkaye kerd bî xo vîra, mesela bedeliya bî. Va:
- Erê wareza, jo nêzano kam kînga mireno. Padîþahî jî, wezîrî jî mirenê. Ew melay may dew esto, ewo ke vano qey dinya ê viraþta, ewo jî rocêke bimro.
Veng joy ra nêveciya.
Ma hîvey bî ka go çawey dewam bikero. Vindert, vindert... Ez nêzana çiqas vindert peynî de va:
- Eno merg çiyara veciya, þima nêverda ez hîkaye jî vacî.
Tûtênan va:
- To va padîþah merd...
- Erê berxê xalo, min va. La min çi zana þimago nêverdê ez hîkaye temam bikerî. De þorê, de þorê siba ezo þimarê dewam bikerî, eyro kêfê min çiniyo.
***
Bî siba, joy ma nêardî têhete ke hîkaye vaco. Bî disibay, hîrê sibay, ez nêzana çiqa ser ra derbas bî rojêke hetê þanî sela hamî wendiþî. Jo þîne, jo hameyne, henî bermayne, ma tûtan ma nêzanayne se biyo, go sebo...
Qando ke ma bî pîlî ma zana ke ew jî merd...
***
Dimara...
Dimara ceryan hame, televîzyon kewt keye û hîkayey qediyay. La enka jî însanî mirenê; Padîþahî jî, wezîrî jî.
Ma ke bî pîlî ma vîna Serokê Koreya Bakur jî merd, Serokê Sûriya jî... Hîtler jî merd, Tîto jî... Kralê Siûdî Abdullah Bîn Abdulezîz el Suud jî merd...
Vanê "dinya joy rê nêmanena"... Qewlê melay ra va "Dinya Siltan Silêmanî rê nêmenda..."
Roco ke ceryan hame û hîkayey qediyay a rocî dinya bedeliya la ma nêzanayne. Enka hendî ma zanê dinya her dewrê xo de geyrena, her game bedelêna... Însanî jî bedelênê; henî fikir bedelnenê, henî mirenê, henî jî kêf kenê.
De ez vacî çi?..
Ez eþkena enî çî vacî: Ger derfetê þima est o, hîkayan biwanê û bidê wendiþî.