Çende rocî vernî Cejnê Heciyan û heta çende rocî peynî cejnî ez hetê Nevşehîrê Tirkiya'de biya. Di heftey balkêşî bî. Ez bazena henî notan pêşkêşî şima bikerî.
- Kozakli qezay Nevşehîrîya û bi awa germe bi name û veng a. Tûrîzmê awa germe ewca zehf raver şiyo. Zehfî merdimê nêweşî yenê ewca xo derman kenê.
Siyasetê Kozakli
- Min persa, Kozakli di serey 2009'inan de Şaredarî di destê AKP'î de bî. 2014'inan de CHP'î paştî da MHP'î, berendamê MHP'î bi ser kewt. Emsar herîrî partiyan her joy berendamê xo mocna ra û AKP bi ser kewt.
Heqê çay û hemamî
- Di kargehê muhîmî ê şaredarî estê, jo tera "Kaplica Hamami" (Hemamê awa germe) û ê bîn jî "Çay Bahçesî" (Ma vacin Cafe). Par herey tenî şiyayişê hemamî bi 5 TL bî, emsar şaredarî çaway hamiya serê karî heqê ewcay kerdo 10 TL. Par Cafede heqê çay 1 TL bî, em sar ca de kerdo 1,50 TL. Yê zey min Stenbol ra şiyê ewca eno pere qe muhîm niyo, la qeybî şarê miyanê ewca muhîm o. Yê muxalifî hersbiyayey bî semedê ene joy.
Uzunlu'de konser
- Ez bi xo muzîk ra, bi taybetî muzîko bi qelîte ra hez kena. Va beldey Uzunlu'de konserê Erdal Erzîncanî est o. Uzunlu serê qezay Bogazliyan a Yozgatî'de wa. Emsar berendamê CHP'î bi 570 reyan ewca girot. 15 rey ê ji yê AKP'î zêdetir bî. Nê şaredarî Festîvala Joyînan viraşte û roco ke ma şî konserê Erdal Erzîncan û yê Grup Dogan bîbî. Ha, joy bivatê rocêke ti şorê Yozgat'te ro konser goştarî bikerê, min bawer nêkerdêne. La ez şiya, ke Erdal Erzîncan bi hunerê xo erciyayewo ke merdim şoro goş bido ci, temaşe bikero. Miyanê Kozikli û Uzunlu 56 kîlomtre bî, bi erebe maşî û geyray a. Konserê ke weş bî.
Balonî
- Urgup qezayke bîne yê Nevşehîriyo. Jo taybetî ewcay jî şar beno esparê balonan û kuno hewa. Şefeqêke kuwê hewa û cor de hem ro hamiyayişê rocî temaşe kenê, hem cor de hawnenê cay tarîxî ewcay ra. Bi dehan balonî reyke de wirzenê we. Şar jî şino ro wiştî ê balonan temaşe keno. Ma zî şî. Caw ma ewcabî heta Urgup 75 kîlometre bî. Şefeqê ma wiştî we û şî. Her balone binde sepetêke viraşta û dewrê 15-20 tenî benê esparê sepere la zehf vaya. Serê tenî 150-200 Eurowo.
Hetê Kapadokyaya Nevşerî'de cay dîrokî zehfê, hema hema heme ca ma verî geyraybî, ez tiya nêkena derge.
Hetê Kapadokyaya Nevşerî'de cay dîrokî zehfê, hema hema heme ca ma verî geyraybî, ez tiya nêkena derge.
'Diyarbakir'
- Meseley 'Diyarbakir' jî ana wa: Ma Kozakli de şî dikan, cola girote. Hamiya keye, hawnawa sero 'Diyarbakir' nistewo. Verî ez bawnî heto bîn ra min fotografê cay antêne, keynay mi va, "Baba, sûr jî sero est o, ê zî bance". Mi rê balkêş hame, 650 kîlometre Amed ra dûr "Diyarbakir" rastê min hame...
'Bu bana yapilir mi?'
- Miyanê Kozakli de dikanê ke est o eraq û çî aneyînî roşeno. Sedemo dikan kalekê qehwexane de bî min merdim nas kerd, merdimê ke henekçiyo. Hema serê di vatişan reyke vano "Bu bana yapilir mi?" (Ma merdim enî çî ano serey mi?). Balkêş bî, ma zehf pê heway.